Frönsk eplabaka
Ó, þessi er alltaf svo góð, vorum með matarboð þar sem þemað var Frakkland, gestirnir lofuðu bökuna í hástert, hún var borin var fram með ís. Sjálfur set ég vel af kanil ofan á eplin. Já og ef ég er í (eldhús)stuði útbý ég gjarnan bökudeigið deginum áður og geymi í ísskápnum. Það verður viðráðanlegra. En þegar ég er ekki í (eldhús)stuði þá er notað frosið smjördeig.
— BÖKUR — FRAKKLAND — EPLI — EPLAKÖKUR — EFTIRRÉTTIR —
.
Frönsk eplabaka
Bökudeig
200 g hveiti
100 g smjör
salt
3-4 msk vatn
Fylling:
800 g græn epli
2 msk sykur
kanill
6-7 msk. apríkósusulta
Hrærið vel saman hráefnunum í bökudeigið og látið standa í amk klst. Mótið deigið í eldfast form og bakið við 200° í 10 mín. Sejið apríkósusultu, þá epli í sneiðum og kanilsykur.
Bakið í um 40 mín.
— BÖKUR — FRAKKLAND — EPLI — EPLAKÖKUR — EFTIRRÉTTIR —
.
Sæll Albert
Ég sá viðtalið við þig í Fréttablaðinu í dag þar sem þú talaðir um að drekka nýpressaðan sítrónusafa alltaf á morgnanna. Og þar sem ég er pínulítið græjuóð þá langar mig svo til að vita meira um sítrónupressuna þína sem er uppáhaldstækið þitt og hvernig þú blandar sítrónusafann. Þið eruð svo unglegir og hraustlegir að mig langar mest til að fara að byrja á að fá mér sítrónusafa á morgnanna 🙂
Takk fyrir fallegt og girnilegt blogg 🙂
Kveðja, Þóra
Sæl, Þóra! Takk fyrir. Sítrónupressan okkar er eins og þessi hér:
http://www.tanni.is/vorur/vara/nr/488
Ég kreisti oftast hálfa sítrónu, set safann í glas og fylli upp með köldu vatni og drekk. Í hvert sinn sem búst er útbúið hér er kreist út í það sítróna. Það er alveg kjörið að kreista sítrónu í vatnsflösku og taka með sér í fjallgöngu, út að hjóla eða annað
kveðja, Albert
Sæll aftur Albert
Ég fattaði allt í einu að viðtalið er við afmælisbarnið Bergþór 🙂 Eitt stundarkorn tók ég feil, afsakaðu það 🙂
Ég hringdi í Tanna og því miður eru þeir víst hættir að panta þessa fínu pressu.
Nú er bara að birgja sig upp af sítrónum og kreista úr þeim safann á aðeins frumstæðari hátt 🙂
Kveðja, Þóra.
Comments are closed.