Ofnbakaður tómatfiskur
Það er auðvelt að útbúa tómatsósu – tómatsósurnar í plastflöskunum eru all-sætar og eiga ekki alltaf við. Þessa tómatsósu má nota með pasta, ofan á pitsur svo eitthvað sé nefnt. Svo er alltaf vinsælt að smyrja tómatsósu á brauðsneið, setja ost yfir og baka í ofni. Hrifnastur er ég af feitum fiski: laxi, makríl, silungi sem allir henta í þennan rétt. Af öðrum feitum fiskum má nefna túnfisk, sardínur og síld.
— FISKUR Í OFNI — FISKRÉTTIR — TÓMATSÓSA — LAX — MAKRÍLL —
.
Ofnbakaður tómatfiskur
2-3 fiskflök (roðflett og beinhreinsuð)
1 b rifinn ostur
steinselja til skrauts
Tómatsósa:
1 laukur
4 hvítlauksgeirar
2 msk góð olía
1/2 stilkur sellerí, saxað
2 vænar gulrætur, saxaðar
2 dósir niðursoðnir tómatar
salt og pipar
basilika
1 dl ólífur
Sósa: Saxið lauk og hvítlauk og steikið í olíunni. Bætið við tómötum, selleríi, gulrótum, kryddum og látið sjóða í nokkrar mínútur. Maukið með töfrasprota. Grófsaxið ólífurnar og látið út í tómatsósuna.
Setjið fiskflök í eldfast form, hellið tómatsósunni yfir. Stráið osti yfir og bakið í um 20 mín í 175° heitum ofni. Stráið þá saxaðri steinselju yfir.
.
— FISKUR Í OFNI — FISKRÉTTIR — TÓMATSÓSA — LAX — MAKRÍLL —
.
