Uppáhalds súkkulaðikaka Sollu Eiríks. Það er nú gaman að segja frá því að í afmælisgjöf fékk ég hráfæðisnámskeið hjá hráfæðisdrottningu Íslands sjálfri Sollu Eiríks. Á dögunum brugðum við Ragga og Björk undir okkur betri fætinum og skunduðum saman námskeið. Þetta var í alla staði frábært námskeið og vel uppbyggt – nú er ég endurnærður og fékk margar nýjar hugmyndir og mikinn innblástur. Solla hvetur fólk til að hafa að minnsta kosti helminginn af aðalréttadisknum hráfæði og byrja á því.
— HRÁTERTUR — SÚKKULAÐITERTUR — BJÖRK — RAGGA —
Uppáhalds súkkulaðikaka Sollu Eiríks
Botn:
50 g kókosmjöl
100 g möndlur
2 msk kókosolía (má nota hentusmjör)
30 g lífrænt kakóduft
150 g döðlur, saxaðar
100 g apríkósur, saxaðar
smá salt
Fylling:
3 dl kasjúhnetur, lagðar í bleyti í um 2 klst
1 1/2 dl agavesíróp (eða hlynssíróp)
1/2 dl kaldpressuð lífræn kókosolía
1/2 dl kakósmjör (má nota kókosolíu í staðinn)
4 msk lífrænt kakóduft
1 msk lucuma
smá cayenne pipar
smá himalayasalt
smá vatn eða kókosmjólk ef þetta er of þykkt og erfitt fyrir blandarann.
Botn: Setjið allt í matvinnsluvélina, látið vélina ganga þar til döðlurnar hafa blandast vel inn í heslihneturnar og möndlurnar og allt klístrast saman. Þjappið deiginu í form, hægt er að nota eitt stórt hringlaga form eða mörg muffinsform, t.d. sílikonform. Sett í frysti á meðan fyllingin er búin til.
Fylling: Blandið saman hnetum, agavesírópi og kókosolíu þar til hún er orðin silkimjúk. Bætið þá restinni af uppskriftinni út í og blandið mjög vel saman. Hellið fyllingunni í botninn/botnana og látið í frysti.
Ofaná: Ristaðar kókosflögur eða kakónibbs til að skreyta (ef vill)
.
— UPPÁHALDSKAKA SOLLU EIRÍKS —
.
