Banana- og apríkósuísterta

mjólkurlaus, eggjalaus, ísterta, bananar, Banana- og apríkósuísterta, apríkósur
Banana- og apríkósuísterta

Banana- og apríkósuísterta. Með kaffinu var mjólkur- og eggjalaus ísterta. Annað hvort er hægt að láta tertuna bíða í 1-2 tíma í frysti strax eftir að hún er búin og bera hana svo á borð eða þá útbúa hana með góðum fyrirvara og láta hanan þiðna í 1-2 klst í ísskápnum áður en hún er borin fram. Dásamlega góð eins og fleiri hrátertur. Gaf samstarfsfólki mínu í Óperunni að smakka og ein konan sagði þetta vera bestu hrátertuna sem hún hefur smakkað – og hún veit sko alveg hvað hún syngur.

Banana- og apríkósuísterta

Botn:

6 dl valhnetur

3 dl döðlur

2/3 tsk vanilla

1/3 tsk salt

Fylling:

6 bananar

3 dl apríkósur, saxaðar

2 dl kókosolía, fljótandi

3 dl kókosmjöl

Botn: Látið valhnetur, döðlur, vanillu og salt í matvinnsluvél og maukið. Takið hringinn af tertuformi, setjið hann á tertudisk og „deigið” þar í.

Fylling: Setjið banana, apríkósur, kókosolíu og kókosmjöl í matvinnsluvél og maukið. Látið ofan á botninn og frystið í 1-2 klst. Berið kökuna fram hálffrosna.

FLEIRI HRÁTERTUR

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.