Smákökur Önnu K.

OPUS Smákökur Önnu K arnar Kormákur friðriksson amma lilla vigdís finnbogadóttir anna kvaran bessastaðir bessastaðakökur smákökur jólasmákökur jólabakstur
Smákökur Önnu K. þóttu bera af og minntu Vigdísi á Bessastaðakökur

Smákökur Önnu K. Við höfum verið svo lánsamir að vera dómarar í smákökusamkeppni hjá starfsfólki OPUS lögmanna í nokkur ár og fáum með okkur nýjan gestadómara í hvert sinn. Að þessu sinni kom Vigdís með okkur og heillaði alla með ljúfmannlegri framkomu sinni og elskulegheitum. Kormákur gerði sér lítið fyrir og sigraði smákökusamkeppnina. Dómnefndin var sammála um að þessar bragðgóðu smákökur verðskulduðu fyrsta sætið. Þær minntu bæði á Gyðingakökur og Bessastaðakökur. „Þessar smákökur eru vinsælar hjá föðurfjölskyldu minni og amma Lilla fékk uppskriftina upphaflega frá Önnu Kvaran á Akureyri.“ segir sigurvegarinn.

BESSASTAÐIRVIGDÍS FINNBOGADÓTTIRSMÁKÖKURBessastaðakökur —

Vigdis Finnbogadottir
Bergþór, Vigdís og Albert

Smákökur Önnu K.

350 g smjör (Takið smjörið úr ísskáp 2 tímum fyrir notkun)

250 g sykur

2 egg

500 g hveiti

2 tsk lyftiduft

Hnoðið deigið og mótið rúllur (3-4 cm í þvermál). Rúllurnar eru síðan vafðar í smjörpappír og geymdar í ísskáp í a.m.k. 4 klukkustundir, helst sólarhring. Skerið rúllurnar í þunnar sneiðar dýfið hverri köku ofan í perlusykur og muldar möndlur.
Bakið neðarlega í ofni við 180 – 200° C þar til kökurnar eru orðnar fallega gylltar. Setið á rist og kælið.

— SMÁKÖKUR ÖNNU K —

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.

Fyrri færsla
Næsta færsla