Bláber eru með hollustu fæðutegundum

Bláber

Sífellt fleiri rannsóknir styðja mátt andoxunarefna í líkamanum. Nú síðast gerði matvælafræðinemi í South Dakota State University, Marin Plumb, rannsóknir á bláberjum. Hún komst að því að bláber halda næringargildi sínu jafnvel eftir sex mánuði í frysti. Marin mældi andoxunarefni í bláberjum sem höfðu verið frosin í einn, þrjá og fimm mánuði. Ekki aðeins hélst næringargildið, en að auki jókst þéttni anthocyanins.

 Bláber eru með hollustu fæðutegundum …

Leiðbeinandi Marin við rannsóknirnar, próf. Basil Dalaly, sem kennir kúrs um phytchemicals í ávöxtum og grænmeti, segir að magn andoxunarefna í bláberjum sé álíka og í jarðarberjum og granateplum.

„Það er ekki gripið úr lausu lofti að náttúran vísi okkur á holla fæðu með skærum litum. Anthocyanin, sem gerir kraftaverk í líkamanum, er líka litarefni sem gefur mörgum fæðutegundum litinn.“

Niðurstöður athugananna voru þær að ótal ástæður mætti finna til að neyta bláberja daglega, en hér eru nokkrar þeirra:

Undraefnin í bláberjum bæta minni og viðbrögð, vernda augnhimnu gegn sólarljósi og skemmdum, bæta blóðflæði og mýkja æðaveggi, minnka hættu á Alzheimer/elliglöpum með ýmsum leiðum, berjast gegn sindurefnum í meltingarvegi, sem geta valdið krabbameini, þau veita vernd gegn eitruðum málmum, t.d. kadmíum, bæta blóðsykursstjórn og styrkja taugakerfið.