Roloterta Kötu
Í vinkvennakaffinu var kom Kata með Rolotertu. Kata hefur oft komið við sögu á þessu bloggi – ég hringi gjarnan í hana þegar mikið liggur við, þegar vantar einhverjar extragóðar uppskriftir. Alltaf er Kata boðin og búin og hristir hverja unaðsuppskriftina fram úr erminni af annari.
— KATA KOLBEINS — VINKVENNAKAFFI — ROLO —
Roloterta Kötu
Botn
130 g makkarónukökur
80 g smjör, brætt
4 msk olía
smá salt
Fylling:
300 g rjómaostur
130 g flórsykur
1 tsk vanilludropar
5 dl rjómi, þeyttur
Ofan á:
150 g sýrður rjómi
3 pk Rolo
Setjið smjörpappír á botninn á 24-26 cm smelluformi. Myljið makkarónukökurnar gróft í skál, blandið smjöri, olíu og salti saman við. Setjið í formið og þjappið.
Hrærið rjómaost, flórsykur og vanillu saman. Balndið þeyttum rjoma saman við og hellið blöndunni ofan á botninn, sléttið vel.
Bræðið sýrðan rjóma og Rolo varlega saman í vatnsbaði, kælið aðeins og hellið yfir ostablönduna. Frystið. Berið kökuna fram háffrosna.
— KATA KOLBEINS — VINKVENNAKAFFI — ROLO —
