Hnetubaka. Halldóra systir mín bauð Sætabrauðsdrengjunum í kaffi og með því. Eins og þeir sem hana þekkja vita hefur hún mjög lítið fyrir því að slá í eina og eina tertu eða annað matarkyns. Baka með salthnetum bragðast mjög vel og var borðuð upp til agna eins og annað sem fyrir þá drengi var borið 🙂
Hnetubaka
Botn:
2 1/2 dl hveiti
1 egg
örlítið salt
1 dl brædd kókosolía
smá vatn ef þar
Fylling.
3 egg
1dl síróp
1/2 dl púðursykur
1/2 dl smjörlíki brætt og kælið lítið eitt
1 tsk vanilla
1 1/2 dl salthnetur
100 g suðusúkkulaði saxað
Botn: blandið öllu saman og setjið í botninn á eldföstu formi.
Fylling: Þeytið egg og bætið sírópi smá saman útí svo vanillu, púðursykri og smjörlíki síðast með sleikju súkkulaði og hnetum 175 °c í ca 25-30 mín „ég nota venjulega smjör í botn og fyllingu en breytti henni núna fyrir þann sem var með laktósa óþol“
