Á dögunum var ég í Byggt og búið í Kringlunni og sá þar ísgerðarskál á KitchenAid hrærivélina. Ég hugsaði mig ekki tvisvar um og keypti skálina. Annars áttum við fyrir mörgum árum ísgerðarvel, litla fallega græju sem gladdi okkur og fleiri óendanlega mikið. Við tókum stundum vélina með okkur í matarboð og sáum um ísinn með eftirréttinum (auðvitað með góðu samþykki gestgjafanna).
Hugmyndin með ísgerðarskál KitchenAid er í raun einföld. Milli laga í skálinni er vökvi sem frýs, en skálin er geymd í frysti, og þegar kemur að því að gera ís þá eru hráefnin sett í skálina, hún sett á hrærivélina og sérstakur spaði/þeytari settur í gang. Ísinn er svo borinn beint á borð úr vélinni.
Hvort sem er rjómaís, veganís eða krap – ísskálin hentar í þetta allt. Nú verða prófaðar uppskriftir út í eitt. Uppskriftirnar munu birtast hér á næstu vikum og mánuðum.
–
–
