Rabarbarasulta
Í gamla daga var oftast haft kíló af sykri á móti kílói af rabarbara. Sennilega hefur hugsunin verið með því að láta sultuna geymast sem lengst. Núna getum við fryst rabarbarann og soðið sultu oftar yfir árið. Vatnið í uppskriftinni er fyrst og fremst svo rabarbarinn brenni ekki við í upphafi. Alls ekki gleyma saltinu, þó það hljómi framandi í fyrstu – saltið bragðbætir sultuna verulega.
.
— RABARBARI — SULTA — ÍSLENSKT —
Rabarbarasulta
2 kg rabarbari
1 kg sykur
1 tsk salt
2-3 msk vatn
Skolið rabarbarann og skerið niður í litla bita og setjið í pott ásamt sykri, salti og vatni. Sjóðið, án loks, þangað til sultan er orðin passlega þykk og ekki of dökk. Setjið strax í hreinar glerkrukkur og lokið þeim strax. Geymið á köldum stað.
Þegar sultan er tilbúin er um að gera að útbúa Hjónabandssælu eða baka pönnukökur og bjóða svo í kaffi.
–
— RABARBARI — SULTA — ÍSLENSKT —
— RABARBARASULTA —
–
