![Álfacafé á Borgarfirði eystra álfakaffi álfasteinn borgarfjöður eystri kalli sveins karl sveinsson fiskverkun](https://i0.wp.com/alberteldar.is/wp-content/uploads/2016/07/IMG_4700.jpg?resize=696%2C522&ssl=1)
Álfacafé á Borgarfirði eystra
Það er aðdáunarvert hversu framarlega Borgfirðingar standa í ferðamálum og hafa gert síðustu áratugina. Þar fyrir utan er Borgarfjörður einstaklega fallegur og þangað er notalegt að koma. Held að besti staður til að sjá lunda í varplendi sínu sé á Borgarfirði.
En hvað um það, einhver óvanalegasta hönnun á veitingastað er á Álfacafé á Borgarfirði eystra. Það má sjá mjög stóra steina innandyra, sagaðar steinborðplötur og á veggjum eru meðal annars myndir eftir Kjarval af Borgfirðingum.
.
![IMG_4666](https://i0.wp.com/alberteldar.is/wp-content/uploads/2016/07/IMG_4666.jpg?resize=696%2C928&ssl=1)
Fleiri og fleiri veitingahúsaeigendur hafa áttað sig á því að betra er að hafa fáa og góða rétti á boðstólnum – mjög góða. Daglega allt sumarið er hægt að fá kjarngóða fiskisúpu á Álfacafé sem er einstaklega bragðgóð. Með henni er borið fram heimabakað brauð. Þó ég hafi komið oft á Álfacafé hef ég aldrei fengið mér annað að borða en fiskisúpuna góðu.
![IMG_4669](https://i0.wp.com/alberteldar.is/wp-content/uploads/2016/07/IMG_4669.jpg?resize=696%2C928&ssl=1)