Hraunfiskur a la Jón Rúnar. Það er eitthvað þjóðlegt við snittur sem á er harðfiskur og grásleppukavíar „Vinur minn Jón Rúnar Arason stórtenór bauð einhvern tíma upp á þennan rétt í forrétt í matarveislu sem hann töfraði fram heima hjá mér.
Það er nefnilega þannig að þegar hann kemur heim til Íslands (býr í Þýskalandi) kemur hann gjarnan til okkar hjóna og Óli og hann elda saman dýrindis rétti.
Þetta er þægilegur og bráðhollur réttur og auðveldur í framleiðslu. Mér leist nú ekkert á hann í byrjun en eftir einn bita var ekki aftur snúið.
Hraunfiskur er einn af mínum uppáhalds smáréttum í dag.“ segir Auður Gunnarsdóttir söngkona
Hraunfiskur a la Jón Rúnar
Hrökkbrauð smurt með smjöri eða smjörva ( Wasa frukost eða sesam)
Harðfiskur (flök)
Grásleppukavíar (rauður og svartur)
-Hrökkbrauð skorið niður í litla ferninga
-Harðfiskur klipptur í passlega bita og settur ofan á
-Skreytt með rauðum og svörtum grásleppukavíar
