Bláberjarúlluterta með marsípani og rommsúkkulaði

Bláberjarúlluterta með marsípani og rommsúkkulaði Björk jónsdóttir rúlluterta súkkulaði bláber
Bláberjarúlluterta með marsípani og rommsúkkulaði

Bláberjarúlluterta með marsípani og rommsúkkulaði.

Björk bauð í síðdegiskaffi á sunnudaginn. Mikið væri gaman ef sunnudagskaffiboð fengju aftur sinn sess í lífi fólks. Það er undurljúft að sitja með góðum vinum og drekka kaffi og spjalla um það sem fólki liggur á hjarta.

Auk þess að vera með bláberjarúllutertuna var boðið upp á marokkóska appelsínutertu, súrdeigsbrauð með ýmsu fjölbreyttu áleggi, salat og ýmislegt fleira. Allt mjög gott og svo voru gestirnir líka óskaplega fínir 😉

BJÖRK JÓNSDBLÁBER  LISTAHÁSKÓLINN

.

Björk jónsdóttir
Björk jónsdóttir söngkona
Bláberjarúlluterta með marsípani og rommsúkkulaði
Bláberjarúlluterta með marsípani og rommsúkkulaði

Bláberjarúlluterta með marsípani og rommsúkkulaði

4 egg

1 eggjarauða

110g sykur

40g hveiti (35 í deigið og 5g í formið)

30g maísmjöl eða kartöflumjöl

salt á hnífsoddi

1 – 1 ½ tsk vanilludropar

Fylling:

2 ½ dl rjómi

4 msk bláberjasulta

70g marsípan, rifið

200g bláber

Ofaná rúlluna:

10 rommkúlur

25g suðusúkkulaði

½ dl rjómi ca.

Hitið ofninn í 220°C.
Setjið bökunarpappír í rúllutertuform, smyrjið hann vel með smjöri og sáldrið síðan smá hveiti yfir bökunarpappírinn.
Þeytið egg og sykur vel saman af krafti í 8-10 mín eða þar til blandan er orðin ljósgul að lit. Sigtið 35g af hveiti og maísmjöl(kartöflumjöl) saman í skál og hrærið saman við eggjablönduna í litlum skömmtum, setjið vanilludropa útí og blandið vel saman.
Hellið blöndunni í rúllutertuformið og jafnið vel út með spaða. Bakið í u.þ.b. 8 mín, stingið prjón í miðju kökuna, ef hann kemur þurr út er kakan tilbúin. Setjið plötuna á grind og látið kólna í 2-3 mín og rennið hnif meðfram öllum köntum til að losa kökuna.
Leggið hreint og rakt viskastykki á borð og hvolfið kökunni á það. Losið bökunarpappírinn varlega frá, rúllið tertunni upp með viskastykkinu inn í og leggið til hliðar.

Þeytið rjómann, blandið bláberjasultu saman við ásamt rifnu marsípani. Rúllið kökunni út og smyrjið rjómanum vel ofan á allan flöt kökunnar með spaða, passið að kakan sé orðin fremur köld svo rjóminn bráðni ekki. Setjið helmingin af bláberjunum ofan á rjómann og rúllið kökunni varlega upp, setjið kökuna á langan disk.

Bræðið rommkúlur, súkkulaði og rjóma í potti og hellið yfir rúllutertuna. Skreytið með restinni af bláberjunum.

#2017Gestabloggari6/52 — — BJÖRK JÓNSDBLÁBER  LISTAHÁSKÓLINN

.

Auglýsing

Meira úr sama flokki

Bananakaka með kanil

Bananakaka með kanil. Gengilbeinurnar glaðlegu Margrét og Friðrika fengu áskorun, að baka með kvöldkaffinu. Þær skiptu um skoðun tvisvar á sólarhring uns loks var ákveðið að baka bananabrauð með kanil. Ljómandi gott brauð sem verður enn betra með góðu viðbiti og jafnvel osti líka.

Kaffihúsið á Kjarvalsstöðum í öruggum höndum Marentzu Poulsen

Kaffihús Marentzu Poulsen á Kjarvalsstöðum. Við fórum í dag og heimsóttum Marentzu Paulsen sem er heldur betur búin að blása lífi í Kjarvalsstaði. Þarna var setið við hvert einasta borð allan tímann sem við dvöldum á staðnum. Ýmsar lagfæringar hafa verið gerðar og allar til góðs. Nokkrar breytingar til viðbótar eru á teikniborðinu að sögn Marentzu sem ætlar í vetur að bjóða upp á síðdegiste að enskum sið, Afternoon Tea, fyrsta sunnudag í hverjum mánuði. Já látið ykkur hlakka til.

Hvað er kurteisi?

Kurteisi

Hvað er kurteisi? Enginn ætti að gefa langar lýsingar af kvillum sínum meðan hann situr undir borðum - og forðast slíkt yfirleitt. Það er ógeðslegt og þreytandi og ætti ekki að leyfast, að fólk tali alltaf um veikindi sín og uppskurði - ekkert er leiðinlegra en hlusta á slíkar raunarollur