Vöfflur – klassísk uppskrift úr bókinni Við matreiðum
Uppskrift sem hefur fylgt mér í áratugi
Fátt jafnast á við ilm af nýbökuðum vöfflum sem fyllir húsið. Það er eitthvað óútskýranlega hlýlegt og notalegt við þær – eins og augnablik sem hægir á tímanum.
Hér deili ég klassískri uppskrift úr hinni ástsælu bók Við matreiðum, sem hefur fylgt mér í áratugi. Ég eignaðist hana fyrir um 35 árum og gríp enn reglulega í hana þegar mig langar í eitthvað traust og gott.
Við matreiðum er sannkölluð klassík í íslenskri matargerð. Bókin kom fyrst út árið 1976 og hefur síðan notið mikilla vinsælda – nú nýlega kom út sjötta útgáfan.
.
— VÖFFLUUPPSKRIFTIR — KAFFIMEÐLÆTI – VIÐ MATREIÐUM — SULTA — BLÁBERJASULTA — RABARBARASULTA —
.
Vöfflur
150 g hveiti (3 dl) eða hveiti og heilhveiti
1 tsk lyftiduft
30 g sykur (2 msk)
1/4 tsk salt
2-3 dl mjólk (súr- og nýmjólk eða undanrenna)
2 egg
3 msk brætt smjörlíki eða matarolía
sítrónusafi, vanilludropar eða önnur bragðefni.
Hitið vöfflujárn
Bræðið smjörlíkið við mjög vægan hita eða í vatnsbaði
Sigtið hveiti og lyftiduft með salti og sykri ef vill
Hrærið 2 dl af mjólk saman við hveitið í kekkjalaust deig. Hrærið ekki of lengi, þá verður deigið seigt.
Bætið smjörlíki og eggjum saman við, einnig bragðefnum.
Látið deigið bíða um stund og bætið mjólk í ef vill. Deigið á að vera fremur þykkt (um það bil helmingi þykkara en pönnukökudeig). Breiðið úr vöfflunum þegar þær eru bakaðar og raðið þeim síðan í stafla.
Berið vöfflur fram nýbakaðar.
Við matreiðum er ein af klassískum matreiðslubókum Íslands. Hún kom fyrst út árið 1976 og hefur verið á heimilum landsmanna í áratugi. Uppskriftirnar eru traustar, einfaldar og standast tímans tönn – eins og þessar vöfflur.
🇮🇸
— VÖFFLUUPPSKRIFTIR — KAFFIMEÐLÆTI – VIÐ MATREIÐUM — SULTA — BLÁBERJASULTA — RABARBARASULTA —
🇮🇸