Quiche Lorraine
Það er eitthvað ómótstæðilegt við klassíska franska böku sem kemur ilmandi úr ofninum. Quiche Lorraine er ein sú þekktasta – egg, rjómi, ostur og beikon sem saman mynda silkimjúka fyllingu í stökkum botni.
Bergþór kom austur og bakaði skínandi böku, sem gerði gríðarlega lukku.
„Þessa böku gerði hin franska „móðir“ mín þegar ég var skiptinemi í Frakklandi. Eiginlega hafði ég allt mitt vit úr henni árin eftir að ég kom heim, en þá þótti allt sem hún hafði reitt fram frekar framandi hér á landi, en jafnframt einstaklega ljúffengt. Ýmsar bökur (tartes) voru þar fremstar í flokki.”
— FRAKKLAND — BERGÞÓR — BÖKUR — SKINKA — SALÖT —
.
Quiche Lorraine
Smjördeig:
4 dl hveiti
1 tsk salt
100 g kalt smjör í teningum
vatn (kringum 1 dl)
Blandið hveiti og salti saman í skál. Myljið smjör saman við. Bleytið að lokum með vatni og finnið út smám saman hvenær deigið loðir saman, en er ekki rennandi blautt.
Geymið í ísskáp í nokkra klukkutíma, þá er auðveldara að eiga við það, en það má líka vinna það í bökuform strax. Stingið með gaffli og bakið í u.þ.b. 10 mín., áður en fyllingin er sett í.
Fylling:
4 egg
4 dl rjómi
salt, pipar,
2 tsk dill,
1/2 tsk múskat
250 g reykt skinka (t.d. pólsk skinka í Costco)
150-200 g rifinn ostur (má gjarnan rífa sterkan ost til viðbótar)
ca 100-150 g beikon
Þeytið egg og rjóma saman með gaffli. Saltið, piprið og kryddið.
Skerið skinkuna í strimla og blandið saman við eggjahræruna ásamt ostinum.
Bakið við 175°C í u.þ.b. hálftíma eða þar til bakan hefur tekið góðan lit.
Látið bökuna standa í 10 mínútur áður en hún er skorin. Berið fram með góðu salati.
Þetta er bakan sem slær alltaf í gegn – einföld, klassísk og ómótstæðilega góð, hvort sem hún er borin fram heit eða köld.
Fleira spennandi:
— Kókosterta — Brún lagkaka — Rúgmjölspartar — Ásta Snædís býður í kaffi — Hægeldaðir lambaskankar —– Sætkartöflumús – Baby Ruth tertan – Heimsins bestu skólabollur – Púðursykursmarengsterta —
.