Auglýsing
Eggjabaka með grænmeti og salami Camembert
Eggjabaka með grænmeti og salami

Eggjabaka með grænmeti og salami. Það er mikill kostur við eggjabökur að hægt er að nota það grænmeti sem til er í ísskápnum, hlutföllin skipta heldur ekki öllu máli. Eggjabökur eins og þessi eru alveg jafn góðar þó þær séu ekki borðaðar beint úr ofninum. Meðlætið getur verið sumarlegt salat og sinnepssósa (mæjónes, sinnep og örlítið hunang). 

BÖKURGRÆNMETISALAMI

Eggjabaka með grænmeti og salami

3-4 plötur smjördeig, eftir stærðinni á forminu sem þið notið
1 b. saxaður blaðlaukur
1 haus spergilkál, skorinn í litlar greinar
2 paprikur rauð og appelsínugul. Saxaðar
2-3 msk olía
½ dós Piparrjómaostur
5-6 sneiðar salami skorin í bita (eða skinka)
6-8 egg
1 dl rjómi
2-3 tómatar skornir í sneiðar
1 camenbert ostur skorinn í sneiðar

Fletjið smjördeigið út og leggið í bökuform.
Léttsteikið blaðlauk, spergilkál og papriku í olíu á pönnu hita í nokkrar mínútur, grænmetið á ekki að brúnast.
Hrærið rjómaostinum saman við grænmetið og hellið öllu yfir smjördeigið.
Dreifið salami yfir.
Þeytið saman í skál egg og rjóma og hellið yfir.
Raðið tómatsneiðunum ofan á og síðan camenbert ostinum.
Stráið svörtum pipar yfir. Bakið í 40 mínútur við 180°C.

Eggjabaka með grænmeti og salami

Ljósmyndir Silla Páls —

.

— EGGJABAKA MEÐ GRÆNMETI OG SALAMI —

.

Auglýsing

3 athugasemdir

  1. Þessi er nú aldeilis girnileg! Ég er haldin miklu bökublæti og fannst smjördeigsbökur færast á annað plan eftir að ég keypti mér keramikkúlur til að blindbaka með.
    Ég byrja á að pikka botninn með gaffli og baka í ca. 10 mín, set svo kúlurnar í og baka í aðrar tíu mín og svo set ég fyllinguna. Botninn verður stökkari og heldur sér betur, að mér finnst.
    Svo eru bökur eins og pítsur; dásamleg nýting á afgöngum því þú getur notað allt sem ísskápurinn hefur upp á að bjóða og það er nú oft ansi fjölbreytt!

      • Ég keypti mínar í eldhússdótabúð í Glasgow fyrir nokkrum árum, er reyndar að fara þangað eftir hálfan mánuð og gæti keypt fyrir þig ef þú vilt!
        Breskar húsmæður hafa lengi notað þetta og ég segi það satt, bökurnar eru betri.

Comments are closed.