Slysókaffi
Árlega halda dugnaðarkonurnar í Slysavarnadeildinni Hafdísi á Fáskrúðsfirði kaffihlaðborð á Sjómannadaginn. Allur ágóði kaffisölunnar rennur til góðra málefna í bænum. Eins og myndirnar sýna voru veitingarnar hinar glæsilegustu og hvergi skorið við nögl. Jóna Hallgrímsdóttir lék á harmónikku „til að eiga betur með næringuna” eins og einn gesturinn sagði um leið og hann fékk sér ábót.
— FÁSKRÚÐSFJÖRÐUR — ÞJÓÐSÖGUR — SKRÚÐUR —
.
Slysavarnadeildin Hafdís afhenti hjartastuðtæki til Félagsheimilisins Skrúðs. Anna Ólafsdóttir varaformaður deildarinnar afhendir hér Þórði Guðmundssyni upplýsingafulltrúa Fjarðabyggðar tækið. Áður hafa Slysó-konur gefið samskonar tæki í Skólamiðstöðina, sundlaugina og íþróttahúsið. Þá hafa þær gefið björgunarvesti á bryggjur bæjarins svo eitthvað sé nefnt.
Myndirnar tók Sigurjón Hjálmarsson
— FÁSKRÚÐSFJÖRÐUR — ÞJÓÐSÖGUR — SKRÚÐUR —
.