Kakósúpa
Kakósúpa var eitt af því sem yljaði manni um hjartarætur í bernskunni. Borin fram heit með tvíbökum og þótti algjört sælgæti.
Fyrir stuttu rifjaðist þessi gamla uppskrift upp fyrir mér þegar rætt var um kakósúpur í útvarpi. Ég hringdi því í mömmu og fékk uppskriftina hennar – og viti menn, hún er alveg jafn góð í dag og hún var þá.
Þetta er klassísk íslensk kakósúpa, einföld, mjúk og nostalgísk.
— VIÐ MATREIÐUM — KAKÓ — SÚPUR — MÖMMUUPPSKRIFTIR —
.
Kakósúpa mömmu
2 l mjólk
75 g kakó (um 2 dl)
50 g sykur (2/3 dl)
örlítið salt
25 g kartöflumjöl
kalt vatn
Setjið mjólk, kakó, sykur og salt í pott og hitið að suðu. Hrærið kartöflumjölið út í smá köldu vatni og hellið saman við súpuna á meðan hrært er.
Látið súpuna þykkna örlítið.
Sumir vilja hafa kakósúpu þunna en aðrir þykkari, þannig að gott er að bæta kartöflumjölinu smám saman út í.
— VIÐ MATREIÐUM — KAKÓ — SÚPUR — ÍSLENSKT — MÖMMUUPPSKRIFTIR —
Hér er uppskrift úr hinni ágætu bók Við matreiðum
Kakósúpa
2 msk sykur
2 msk kakó
1 dl vatn
1/2 l mjólk
1 msk maísenamjöl eða
2 msk kartöflumjöl
1/2 dl kalt vatn
salt
vanilluropar
Hrærið sykur og kakó saman í potti, blandið vatni saman við og hitið að suðu. Hrærið mjólk saman við og hitið. Hrærið maísenamjöl út í köldu vatni og jafnið súpuna. Bragðbætið með salti og vanilludropum.
Fleira áhugavert:
— Hvítlauksolía, fljótleg og einföld — Lambalæri með þurrkuðum ávöxtum — — Grautarlummur — Perutertan besta — Klæðnaður við jarðarfarir — Marsípankaka með vínberjum — Perutertan besta — Karmellukornflexnammi með lakkrísbitum —