Sjúkleg sítrónukaka – fersk, mjúk og ómótstæðileg
Það er eitthvað alveg sérstakt við góða sítrónuböku – þessi ferski sýruleiki sem mætir mjúkum og sætum botni. Þessi kaka er einmitt þannig. Hún er einföld í gerð en bragðið er svo gott að hún hverfur af borðinu á augabragði.
Uppskriftin er frá Jóhönnu V. Þórhallsdóttur sem bauð mér í kaffi – og það þarf varla að taka fram að þessi kaka stal senunni.
Þetta er klassísk sítrónubaka með mjúkum botni og silkimjúkri fyllingu sem minnir á lemon curd. Hún hentar jafnt í kaffiboð, eftirrétt eða bara þegar mann langar í eitthvað sérstaklega gott.
🍋
— JÓHANNA ÞÓRHALLS — SÍTRÓNUBÖKUR — LEMON CURD — ENGLISH —
🍋
Sjúkleg sítrónukaka
Botn
2,5 dl hveiti
0,5 dl sykur
½ tsk vanillusykur
150 g smjör
Blandið öllu saman (má gera í matvinnsluvél) og þrýstið í smurt bökuform.
Bakið við 200°C í 12–15 mínútur eða þar til botninn er orðinn fallega gylltur.
Fylling
3 egg
2 dl sykur
½ dl hveiti
rifinn börkur af 1 sítrónu
6 msk sítrónusafi (eða eftir smekk)
Þeytið egg og sykur vel saman. Bætið hveitinu út í og síðan sítrónuberki og safa.
Hellið yfir heitan botninn og bakið áfram í um 10 mínútur.
Svo bætti ég smá lemon curd yfir til að fá fallega gula litinn fyrir myndatökuna, en því má sleppa.
Berið fram með:
þeyttum rjóma,
ferskum berjum,
eða einfaldlega með góðu kaffi
Þessi sítrónubaka er einföld uppskrift að ferskum og ljúffengum eftirrétti sem slær alltaf í gegn – fullkomin sítrónukaka fyrir kaffiboð, helgarbakstur eða þegar þig langar í eitthvað sérstaklega gott.
🍋
— Jóhanna Þórhalls — Sítrónubökur — Lemon Curd — English —
🍋