Hangikjötsbrauðterta Sölva á Síreksstöðum

Sölvi Kristinn Jónsson síreksstaðir vopnafjörður hangikjötssalat andaegg sardínur kavíar ísland heimareykt hangikjöt baunasalat skonsubrauðterta skonsur Karen Hlín Halldórsdóttir — Sölvi Kristinn með hangikjötsbrauðtertuna girnilegu. Á brauðtertunni (og í salatinu) eru egg úr öndunum á bænum og hangikjötið er reykt á Síreksstöðum.

Hangikjötsbrauðterta

Á bænum Síreksstöðum í Vopnafirði búa rausnarbúi Sölvi Kristinn Jónsson og Karen Hlín Halldórsdóttir. Auk þess að reka sauðfjárbú eru þau með fyrirmyndar ferðaþjónustu og bjóða upp gistingu og veitingar. Þau leitast við að hafa hráefnið ekki bara úr héraði, heldur mest af bænum. Það fyrsta sem Sölva bónda datt í hug þegar ég nefndi við hann að útbúa sitt uppáhald fyrir bloggið var brauðterta, gamaldags sívinsæl góð íslensk skonsubrauðterta með hangikjötssalati og sardínum

— SÖLVI KRISTINN — SÍREKSSTAÐIR — VOPNAFJÖRÐUR — BRAUÐTERTUR — HANGIKJÖT —

Brauðterta með hangikjötssalati, andaeggjum, kavíar og sardínum

Skonsubrauðterta

3 egg

1 msk sykur

3 bollar hveiti

3 msk olía

3 tsk lyftiduft

1 tsk salt

mjólk eftir þörfum

Blandið öllu saman og bakið skonsur á pönnukökupönnunni. Látið þær kólna.

Hangikjötssalat

2-300 g hangikjöt skorið smátt

2 dl mæjónes

5 soðin egg (Sölvi notaði eigin andaegg)

1/2 ds blandað grænmeti

Hlutföllin eru nokkuð frjálsleg og langt frá því að vera meitluð í stein. Blandið öllum hráefnunum saman. Setjið á milli botanna. Skreytið með eggjum, kavíar og sardínum.

— SÖLVI KRISTINN — SÍREKSSTAÐIR — VOPNAFJÖRÐUR — BRAUÐTERTUR — HANGIKJÖT —

— HANGIKJÖTSBRAUÐTERTAN —