Pönnukökur – þjóðlegar með góðum kaffisopa
Upprúllaðar pönnukökur með sykri teljast víst seint til hollustufæðis en mikið er gott að smakka þær annað slagið með góðum kaffisopa. Ætli megi ekki segja að fortíðarþrá fylgi þeim. Það er ágætt að setja smávegis af uppáhelltu kaffi saman við deigið.
— PÖNNUKÖKUR — SÓLARPÖNNUKÖKUR — VÖFFLUR — LUMMUR — ÍSLENSKT —
.
Pönnukökur
250 g hveiti
1 tsk lyftiduft
1/2 tsk matarsódi
1 msk (púður)sykur
1/3 tsk salt
1 tsk vanilla
6-7 dl (soya)mjólk jafnvel meira (deigið á að vera þunnt)
2 egg
2-3 msk olía eða brætt smjörlíki
Blandið saman þurrefnum í skál og vætið í með mjólkinni. Bætið eggjum saman við hræruna og að síðustu er olíunni bætt út í. Steikið á vel heitri pönnukökupönnu.
— PÖNNUKÖKUR — SÓLARPÖNNUKÖKUR — VÖFFLUR — LUMMUR — ÍSLENSKT —
.
Auglýsing
