Íslenskt sjávarsalt – já takk
Við ættum að sameinast um að kaupa íslenskt salt, bæði til að standa við bakið á íslenskum fyrirtækjum og ekki síður vegna þess að íslenska saltið er gæða vara. Það eru tveir virkir framleiðendur á salti á Íslandi; Saltwerk og Norður og co.
Saltið sem við notum í matinn okkar er steinefni, natrínklóríð NaCl, og hefur verið notað við matargerð allt síðan á steinöld. Samkvæmt Íslenskri orðabók er salt “efni (natrínklóríð) með sérkennilegt sterkt bragð, notað við matvælageymslu og matargerð…” Íslenska alfræðiorðabókin segir enn fremur að salt sé: “bergtegund sem að uppistöðu er salt eða sölt.” Saltið fæst annað hvort með námugreftri í sérstökum jarðlögum eða með uppgufun. Uppgufunin virkar þannig að sjór eða steinefnaríkt lindarvatn er látið gufa upp þannig að saltið verður eftir.*
OCEAN UMAMI SALT: 95% sjávarsalt vottað af TÚN. 5% blanda af Fucus vesiculosus, Palmaria palmata og Laminaria digitata. Saltið er náttúruvæn framleiðsla sem byggist á nýtingu jarðvarma. Aðferðin var þróuð árið 1753 og hefur verið síðan verið vandlega varðveitt. Þarinn er handtíndur í Breiðafirði þar sem ýtrustu kröfur um gæði og sjálfbærni er gerð.
Það sem gerir umami saltið einstakt er þarablandan sem í því er en umami er jafnan kallað fimmta bragðið sem tungan skynjar. Það er í miklu uppáhaldi hjá matreiðslumönnum og matgæðingum um heim allan enda sagt gefa matnum hárbeittan undirtón og bassa.
LÍFSALT: Natríum 41%, Kalíum 41%, Magnesíum sölt 17%, Snefilefni 1%. Á pakkningu segir: Magnesíum gegnir lykilhlutverki í efnaskiptum líkamans svo sem við orkuvinnslu og myndun próteina. Það kemur jafnvægi á ónæmiskerfið og er nauðsynlegt fyrir starfsemi nýrna og styrkir beinmyndun og taugakerfi.
SALTVERK: Klassískt íslenskt sjávarsalt. Saltverk sjávarsalt er kröftugt, steinefnaríkt íslensk sjávarsalt, framleitt með orku frá jarðhitavatni á norðvesturlandi. Jarðhiti er eini orkugjafinn sem notaður er við framleiðsluferlið og skilur því eftir sig lítið kolefnisspor í umhverfinu. Saltið hentar í hverskonar matargerð.
NORÐURSALT: Saltvinnsla Norður & Co. er náttúruvæn og byggist á nýtingu jarðvarma. Aðferðin var þróuð í samvinnu Íslendinga og Dana árið 1753 og hefur síðan verið vandlega varðveitt hjá þessum þjóðum. Hreinum sjó er dælt á opnar pönnur, kynt undir þeim með hveravatni og sjórinn eimaður hægt. Þessi sjálfbæra framleiðsla skilur ekki eftir sig koltvísýring heldur aðeins hreina afurð – ferskar og stökkar sjávarsaltflögur.
Saltgerð Norður & Co. er í Karlsey innarlega í Breiðafirði, skammt frá Reykhólum. Breiðafjörður er friðlýst svæði, þekkt fyrir óteljandi eyjar og tæran sjóinn sem umlykur þær. Í kringum Reykhóla er að finna bæði landbúnað og aðrar nytjar náttúrunnar enda nýtur sveitin alls hins besta úr eyjunum, sjónum og landinu. Flest þekkjum við svæðið þó bara sem hinn fagra Breiðafjörð og helstu matarkistu Íslendinga í þúsund ár.
— LÍFSALT — OCEAN UMAMI SALT — SALTVERK — NORÐURSALT —
— * Vísindavefurinn
–
–
