Rabarbaragrautur – þjóðlegur og gómsætur
Rabarbaragrautur er einn af þessum íslensku sumarréttum sem vekur upp ljúfar minningar hjá mörgum. Þegar rabarbarinn er kominn í garðinn er fátt betra en að sjóða ilmandi graut úr ferskum stilkum og bera hann fram með rjóma.
Í þessari uppskrift er notaður vínrabarbari sem gefur grautnum fallegan rauðan lit og milt, ferskt bragð. Rabarbaragrautur er góður heitur beint úr pottinum, volgur með rjómabunu eða vel kældur daginn eftir.
Rabarbari getur verið mis-súr eftir afbrigðum og uppskerutíma, þannig að gott er að smakka grautinn til áður en hann er tekinn af hitanum og bæta sykri við ef þarf.
.
— RABARBARI — GRAUTAR — EFTIRRÉTTIR — ÞJÓÐLEGT —
.
Rabarbaragrautur
1 kg rabarbari, skorinn í bita
200 g sykur
3 dl vatn
2 tsk vanillusykur
1/3 tsk salt
Til að þykkja grautinn
1½–2 msk kartöflumjöl
1 dl kalt vatn
Setjið rabarbara, sykur, vatn, vanillusykur og salt í pott. Látið sjóða við vægan hita í um 20 mínútur eða þar til rabarbarinn er orðinn mjúkur.
Hrærið kartöflumjöl og kalt vatn saman í skál. Takið pottinn af hitanum og hellið blöndunni varlega út í grautinn á meðan hrært er stöðugt.
Hellið grautnum í skál og stráið örlitlum sykri yfir svo ekki myndist skán.
Berið fram heitan, volgan eða kaldan með hálfþeyttum eða óþeyttum rjóma.
Þessi uppskrift að rabarbaragraut hentar bæði sem eftirréttur og kaffimeðlæti á sumrin
Fleira áhugavert:
— Múffur með eplum og haframjöli — Döðlukonfekt, gott, gott — Mál og vog – helstu skammstafanir í uppskriftum — Svangi Mexíkaninn besti brauðrétturinn – Kryddbrauð mömmu – Fiskbollur – hin klassíska góða uppskrift –