Heimilisfriður Elísabetar Jökuls

elísabet jökulsdóttir hveragerði heimilisfriður döðlukaka listaháskólinn lhi  samæfingaterta samæfingarterta ísafjörður tónlistarskólinn á ísafirði
Elísabet tekur Heimilisfriðinn úr ofninum í fallegu íbúðinni sinni í Hveragerði

Heimilisfriður Elísabetar Jökuls

Leiðir okkar Elísabetar Jökulsdóttur lágu saman í Listaháskólanum, nokkrum árum síðar hringdi hún og vildi vita hvaða aðferð væri gott að nota ef fólk vildi hætta að nota sjampó í hárið. Þá hafði ég sagt henni í skólanum að ég þvæ hárið aldrei með sjampói…. En það er nú allt önnur saga. Elísabet fékk Heimilisfrið reglulega hjá Sigríði tónlistarskólastjórafrú á Ísafirði þegar hún var þar í menntaskóla. Elísabet segist ekki hafa bakað í þrjú á eða lengur en allt tókst vel. Tertan góða tók sig vel út á fallega tertudiski rithöfundarins.

HEIMILISFRIÐURHVERAGERÐIDÖÐLUTERTURÍSAFJÖRÐUR

.

Heimilisfriður

Heimilisfriður

3 egg
1/2 b sykur
2 bollar hveiti
1 bolli haframjöl
1 bolli saxað suðusúkkulaði
1 og hálfur bolli saxaðar döðlur
vanilludropar
1 og hálf tsk. lyftiduft
bráðið smjör a 150 gr
smá mjólk

Hrærið vel saman eggjum og sykri, bætið hinu saman við.
Setjið í tertuform og bakið í 3 korter til klukkutíma á 175 hækka í 200 síðasta korterið.

 

Í fyrstu ljóðabók Elísabetar, Dans í lokuðu herbergi sem kom út 1989 var þetta ljóð:

Til Siggu og Ragnars

Augnablik
býr eilífðin
hjá ykkur
Undir stjörnubjörtum fjöllum
leikur andinn í húsinu á píanó
Rabbabbaravín og heimilisfriður með kaffinu.
Heimurinn hefur ákveðið
að vera hér
þessa leiknu stund
sem kemur aldrei aftur
og hverfur aldrei
Hér eru samræður list
og þegar dagar flýgur síðasta orðið
úr nóttinni og verður lag handa hugsuninni
og lykt af nývöknuðu hafi
Hér er enginn gestur
en ferðalag handa hverjum og einum
Um eilífð
á augnablikið
Heima hér.

.

HEIMILISFRIÐURHVERAGERÐIDÖÐLUTERTURÍSAFJÖRÐUR

— HEIMILISFRIÐUR ELÍSABETAR JÖKULS —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.