Heitt kartöflusalat með stökku beikoni og Dijon sinnepi
Grillaðar kartöflur eru góðar með grillmatnum, svo er líka stundum er gott að fá tilbreytingu. Þetta heita kartöflusalat er bæði einfalt og bragðmikið. Beikon, hunang, Dijon-sinnep, hvítlaukur og steinselja mynda dásamlega blöndu sem smellpassar með grillmat, steikum, kjúklingi eða öðrum góðum réttum. Salatið er borið fram heitt og er sérlega gott þegar kartöflurnar eru orðnar mjúkar að innan og aðeins stökkar að utan.
— KARTÖFLUR — SALÖT — BEIKON — GRILL — DIJON —
.
Heitt kartöflusalat með stökku beikoni
750 g kartöflur
2 msk olía
4 beikonsneiðar
Dressing
1/4 bolli steinselja, söxuð
2 hvítlauksgeirar, saxaðir smátt
1 msk hunang
1 tsk Dijon-sinnep
2–3 msk edik
3 msk olía
salt og pipar
Skerið kartöflurnar í bita, setjið í eldfast mót og hellið olíu yfir. Steikið beikonið á pönnu, takið það til hliðar og skerið í bita. Hellið beikonfitunni yfir kartöflurnar. Bakið í um 30 mínútur við 175°C og hrærið einu sinni eða tvisvar á meðan.
Setjið steinselju, hvítlauk, hunang, Dijon-sinnep, edik, olíu, salt og pipar í krukku. Setjið lokið á og hristið vel saman.
Þegar kartöflurnar eru bakaðar og orðnar fallega gylltar er dressingunni hellt yfir þær og beikoninu blandað saman við. Berið fram heitt.
.
Fleira spennandi:
— Draumaterta dásamlega góð – Hrísgrjónagrautur á laugardegi – Vöfflur hin klassíska uppskrift – Soðin egg — Skúffukaka sem klikkar ekki – Hvað er kurteisi? — Snúðakakan góða –-