Grillaðar paprikur
Grillaðar paprikur eru einfalt og litríkt meðlæti sem passar með ótal réttum, hvort sem er með fiski, kjöti, grænmetisréttum eða á veisluborðið. Þegar paprikurnar fá háan hita verða þær sætar, mjúkar og örlítið karamelliseraðar á köntunum. Rauðvínsedikið gefur þeim ferskan tón og ólífuolían dregur fram bragðið.
Skerið paprikurnar í báta eða breiðar ræmur og raðið þeim í eldfast mót eða á bökunarplötu. Saltið létt, penslið með 3 msk ólífuolíu og dreifið 2 msk rauðvínsediki yfir.
Setjið í 220°C heitan ofn í um 10 mínútur, eða þar til paprikurnar eru orðnar mjúkar og aðeins farnar að dökkna á endunum.
Berið fram heitar, volgar eða kaldar. Þær eru dásamlegar sem meðlæti, ofan á ristað brauð, með hummus, í salat eða sem hluti af litríku antipasti-borði.
— Hildigunnur Einars – Paprikur – Hummus – Grill – Veislur – Klúbbaréttir –
.
🔴
Fleira áhugavert:
— Hildigunnur Einars – Paprikur – Hummus – Grill – Veislur – Klúbbaréttir –
🔴