Marsipanhorn
Marsipanhorn eru hið besta kaffimeðlæti – mjúk, ilmandi og með ómótstæðilegu marsipanbragði sem minnir á góðar stundir.
Þessi uppskrift er bæði einföld og örugg; hún hentar jafnt byrjendum sem vönum bakstursunnendum.
Það er eitthvað sérstakt við marsipan í bakstri – það gefur bæði fyllingu og mýkt sem gerir hvern bita að litlu nammi. Hér fær það að njóta sín til fulls, án þess að vera of sætt eða þungt.
👍
— MARSIPAN — SKINKUHORN — KAFFIMEÐLÆTI — HORN — GLASSÚR —
👍
Marsipanhorn
Deig:
25 g þurrger
½ dl volgt vatn
75 g smjör
2 dl súrmjólk
2 msk sykur
1 egg
1 tsk salt
500 g hveiti
1 egg til að pensla með
Fylling:
75 g marsipan
75 g lint smjör
75 g sykur
Skraut:
2-3 msk flórsykur eða glassúr
Setjið ger og vatn í hrærivélarskálina.
Bræðið smjör við lágan hita, hrærið það saman við ásamt súrmjólk.
Setjið sykur, egg og salt út í.
Hrærið meðan hveitinu er hellt út í smám saman.
Látið hefast í klukkutíma.
Rífið marsipan og blandið út í smjör og sykur.
Sláið deigið niður og bætið hveiti við, ef þarf.
Skiptið deiginu í 3 hluta og breiðið út með kökukefli í hringi, skiptið hverjum hring í 8 hluta.
Setjið fyllingu á breiða hlutann og rúllið upp.
Leggið hornin á ofnplötu með bökunarpappír, penslið með hrærðu eggi.
Bakið við 180°C í 10-15 mín og kælið á rist.
Gott er að athuga eftir 8 mín bökun, því að ofnar eru mjög misjafnir.
Sigtið flórsykur yfir, eða búið til glassúr og sprautið í þunnum rákum, eða skreytið með hökkuðum, ristuðum möndlum.
Til hátíðabrigða er hægt að strá fínt hökkuðum þurrkuðum berjum yfir.
👍
Fleira áhugavert:
— Steikt andalæri — Vöffluuppskrifin besta — Hjónabandssælan — Múffur með eplum og haframjöli — Veislukaffi á Akureyri — Borðsiðanámskeið — Ítölsk sítrónukaka —