Glútenlaust hafrabrauð Bjarneyjar Ingibjargar á Ísafirði – gæðabrauð.
Bjarney er dugleg að prófa og þróa glútenlausar uppskriftir og hættir ekki fyrr en hún er fullkomlega ánægð með árangurinn. Endilega látið fólk með glútenóþol vita af þessu gæðabrauði.
— BJARNEY INGIBJÖRG — BRAUÐ – ÍSAFJÖRÐUR — GLÚTENLAUST —
.
Hafrabrauð
25 gr ger eða 2 1/4 tsk þurrger
4 dl vatn
2 msk olía
1 msk eplaedik
1 1/2 msk pofiber
2 dl glútenlaust haframjöl
1 tsk salt
2 tsk hrásykur
1 1/2 dl glútenlaust haframöl
4 dl (240 g) glútenlaust hveiti
1 egg
Setjið gerið í hrærivélaskál
Hellið 37˚c heitu vatni yfir og blandið saman
Setjið olíu, pofiber, eplaedik og 2 dl af dl haframjöli út í, blandið saman og látið taka sig í 10. mín.
Setjið salt, sykur, 1 1/2 dl af haframjöli og hveiti saman við og látið hnoðast með króknum á vélinni í 5 mín.
Setjið deigið í brauðform og látið hefast í 30 mín. á volgum stað.
Baka við 200˚C í 30 til 40 mín. Gott að stinga prjóni í miðjuna á brauðinu til að athuga hvort brauðið er tilbúið.
Takið brauðið úr ofninum og látið kólna í a.m.k. 20 mín annars klessist það þegar maður byrjar að skera það í sneiðar.
.
— BJARNEY INGIBJÖRG — BRAUÐ – ÍSAFJÖRÐUR — GLÚTENLAUST —
.
