Ófrystur ís
Hver segir að ís þurfi að vera frystur? Nafnið bendir auðvitað til þess og vissulega er ís frystur. Oftast. Jæja, ok, köllum þetta þá ískrem. Ég var nefnilega seinn með eftirrétt um daginn, ætlaði að búa til ís, rétt áður en gestirnir komu. Þeytti rauður með flórsykri og rjóma með vanillu, skellti þessu saman og smakkaði áður en það fór í frystinn. Hugsaði um leið: Hmm, þetta er miklu betra en ís!
Setti „ísinn“ því í kæli og bar hann fram, ófrystan með hellingi af bláberjum og vínberjum út í. Gestirnir voru himinlifandi.
.
— RJÓMAÍS — EFTIRRÉTTIR — EGGJAHVÍTUR —
.
Ófrystur ís
4 eggjarauður
1 b flórsykur
½ l rjómi
2 msk vanillusykur
Þeytið rauður og flórsykur þar til stíft. Þeytið rjóma með vanillusykri sömuleiðis stífþeyttan. Skellið saman, bætið berjum út í og voilà.
Auðvitað má nota önnur bragðefni, hvað sem er og hvaða súkkulaði sem er, allt eftir smekk, en þessi er svona mest beisikk, eins og krakkarnir myndu segja.
.
— RJÓMAÍS — EFTIRRÉTTIR — EGGJAHVÍTUR —
— ÓFRYSTUR ÍS —
.
