Bjarteyjarsandur #Ísland

Bjarteyjarsandur hvalfjörður hvalfjarðarsveit, arnheiður bjartey guðmundur
Myndarbúið Bjarteyjarsandur í Hvalfirði

BJARTEYJARSANDUR. Það er ævintýri líkast að koma heim að Bjarteyjarsandi í Hvalfirði. Margir tengja hann við heimsóknir skólabarna en þangað koma á hverju vori ungmenni alls staðar að af landinu og upplifa sveitastemningu, fara í fjöruferð og borða nesti.

Þar er hins vegar margt um að vera fyrir alla aldurshópa. Tjaldstæði eru í boði og börn geta fengið leiðsögn um bústofninn, landnámshænur, geitur, kindur og leggja á hest og láta teyma sig á honum. Heitur pottur er í fjöru og hægt að fara í sjósund. Þar er stórt fjárbú og stefnan er sú að allt sem í boði er á veitingastaðnum sé af búinu.

Þar er sannkallað matarhandverk stundað og margir þekkja vörurnar af matarmarkaðnum í Hörpu, þau eru t.d. Íslandsmeistarar í súrsuðum radísum, bláberjahangikjötið er ómótstæðislegt, fífladrykkurinn er hressandi, sulturnar eru ljúffengar o.s.frv.

Ekki síst er upplagt fyrir hópa, t.d. ættarmót, samstarfsfólk, saumaklúbba, (allt að 60 manns) að panta sér geggjaða grillveislu, en opið er kl. 11-17 í smárétti fyrir ferðafólk.

Hjónin Arnheiður Hjörleifsdóttir og Guðmundur Sigurjónsson reka myndarbú í samvinnu við foreldra Guðmundar. Þau eru með um 600 ær, hesta, íslenskar hænur, geitur og kanínur. Tekið er á móti hópum og haldnar veislur „Vinsælastar eru grillveislurnar en ætli kjötsúpan sé ekki vinsæl hjá göngufólki, já og grænmetissúpan hjá þeim sem hana kjósa frekar,” segir búkonan Arnheiður. Tvær vinsælar gönguleiðir eru stutt frá; Leggjabrjótur og Síldarmannagötur.

– HVALFJÖRÐURBJARTEYJARSANDURFERÐAST UM ÍSLAND

Anna, Bjartey, Páll og Albert í hlöðunni.
Bjarteyjarhjónin eru margverðlaunuð fyrir matarhandverk sitt og eru hvergi nærri hætt.
Svalandi og sumarlegur fífladrykkur.
Flatbrauð, bakað eftir uppskrift fjölskyldunnar, með verðlaunuðu reyktu bláberjalegnu kjöti, rjómaosti og bláberjasultu. Það kemur ekki á óvart að þetta kjöt hafi unnið til verðlauna. „Þetta bara gæti ekki verið betra“, sagði Páll.
Páll spjallar við hest.
Með mæðgunum Bjarteyju og Arnheiði
Páll, Arnheiður, Albert og Bergþór smakka á góðgætinu í gömlu hlöðunni á Bjarteyjarsandi

Við ferðaþríeykið viljum gjarnan heyra frá ferðaþjónustufólki

Auglýsing

Meira úr sama flokki

Speltbrauð með lyftidufti

Speltbrauð með lyftidufti. Sumir hræðast gerbrauð, telja það flókinn bakstur. Við hættum samt ekki að baka þó eitthvað misheppnist einu sinni. Æfingin skapar meistarann. Það tekur ekki eins langan tíma að undirbúa lyftiduftsbrauð, en það bakast lengur en gerbrauðið. Engar afsakanir lengur, upp með svunturnar....

Súkkulaðihúðaðar jólasmákökur með pekanhnetum

Súkkulaðihúðaðar smákökur

Súkkulaðihúðaðar jólasmákökur með pekanhnetum - Hugrún Britta Kjartansdóttir lenti í 3.sætið í smákökusamkeppni Kornax 2016. Hún er vel að þriðja sætinu komin og það fyrsta sem kom upp í minn huga þegar ég smakkaði þær var í fyrsta lagi: Mig langar í kaffi með þeim og í öðru lagi: Mig langar í fleiri.... :) Hjá öðrum dómnefndarmönnum mátti heyra: „Sparikaka og maður nýtur hvers bita fyrir sig" - Jólaömmukaka með gamaldags ívafi" og „Það eru notalegheit sem fylgir henni"

Steinaldarbrauð

Steinaldarbraud

Steinaldarbrauð, glútenlaust.  Í upphaflegu uppskriftinn átti að vera möndlumjöl en því miður var það ekki til svo ég notaði rísmjöl. En brauðið bragðaðist afar vel og hér er uppskriftin lítillega breytt. Svo er nú gaman að segja frá því að brauðið er glútenlaust.