Ristorante Riccolo. Albert, Ólafur og Bergþór með eftirréttina fyrir framan sig
Ristorante Piccolo
Nýlega opnaði á Laugavegi 11 ítalski veitingastaðurinn Ristorante Piccolo. Við fórum út að borða með Ólafi afastrák og líkaði vel. Augusta Ólafsson eiganda staðarins stóð vaktina og útskýrði vel fyrir okkur réttina. Águsta er listakokkur og mikil áhugakona um ítalska matargerð, hún lærði matreiðslu hér á landi og í Danmörku.
Ekki hef ég tölu á öllum þeim réttum sem við smökkuðum á – en þeir voru hver öðrum betri. Fyrst er til að taka að matseðilinn er afar vel saman settur – hvorki of né van. Aðeins góðir, vandaðir bragðgóðir réttir. Staðurinn er stílhreinn og þjónustan er lipur og gekk snurðulaust fyrir sig.
Ristorante PiccoloBistecca. Nauta ribeye með steiktu grænmeti og rauðvínssósu. Lostæti.Carbonara með Guanciale, skalottulauk, eggjarauðum, pipar og grana padono. Eitt besta Carbonara sem ég hef smakkað uppáhaldsrétturinn okkar allra.Arancini di Riso, stökkar djúpsteiktar sikileyskar hrísgrjónakúlur, fylltar hægelduðum kálfaskanka og bornar fram með gremolata.Bruschetta al Pomodoro með tómötum, mascarpone, ólífum, balsamik, ólífuolíu og basiliku.Vitello tonnato. Kálfakjöt, túnfiskmajó, marineraður túnfiskur, klettasalat, kapers og grana padanoQuattro stagioni með tómatsósu, mozzarella, portobello sveppum, skinku, ætiþistlum og ólífum.Parma e rucola með parmaskinku, klettasalati,mozzarella, grana padano og pestói.Við smökkuðum þrjá eftirrétti: Tiramisu og kaffiís. Panna Cotta appelsínuhlaup með greipaldin og hunangsflögum og tvær tegundir af gæða rjómaís með stökku kurli.Albert með Augustu Ólafsson eiganda Ristorante Piccolo
Kanntu þig á netinu? Nokkrir fasbókarnetsiðir. Facebook er einn vinsælasti samfélagsmiðillinn hér á landi og langflestir Íslendingar eru skráðir þar. Eflaust er þetta eitt af þessum frægu heimsmetum okkar miðað við höfðatölu.
Langflestir tala um Facebook, en ætli besta íslenska orðið sé ekki fasbók. Fas er gamalt orð yfir andlit sem einnig táknar fas; prúðmennsku, asa, látalæti og framkomu. Fés og smetti eru aftur á móti niðrandi orð, sem eru einstaklega óviðeigandi um fólk.
Margir átta sig ekki á því að fasbókin ljóstrar ýmsu upp um okkur, sérstaklega fas! Sumir eru alltaf gleðigjafar, aðrir meira og minna í fýlu. Það er gaman að svala forvitni sinni á fasbókinni. Sumir eru virkir, en ýmsir fylgjast með og láta lítið yfir sér.
Netsiðir eru einskonar mannasiðir á netinu, svolítið eins og óformlegar siðareglur í daglega lífinu.
Vínberjaterta með pistasíum. Ó! það er svo gaman að baka. Baka, baka, baka :) Kannski ekki mjög algengt að hafa vínber, pistasíur og marsipan í einni og sömu tertunni. Amk var ég aðeins tvístígandi hvort ég ætti að prófa, en ég sé ekki eftir því. Óskaplega góð bragðgóð terta og eiginlega betri daginn eftir.
Óvenju íhaldssamir eiginmenn. Húsmæður hafa fyrir löngu skilið, að vélar geta létt störf þeirra, alveg eins og vélarnar hafa fyrir löngu létt jarðyrkju og iðnað, en eiginmennirnir eru oft óvenjulega íhaldssamir, þegar um er að ræða hjálpartæki við innistörf.
