Hreindýralifrarkæfa
Hér er einföld og bragðgóð uppskrift að hreindýralifrarkæfu. Hún er fullkomin með góðu brauði eða kexi. Hátíðleg lifrarkæfa.
— HREINDÝR — LIFUR — KÆFA — EINIBER — VILLIBRÁÐ — KJÖT — INNMATUR — HERRAMANNSMATUR — ÍSLENSKT —
.
.
Hreindýralifrarkæfa
- 500 g hreindýralifur
- 150 g beikon eða reykt spik
- 4 msk smjör
- 1 meðalstór laukur, saxaður
- 2 hvítlauksrif, pressuð
- 1 tsk þurrkað timjan
- 1 tsk fínt söxuð einiber
- 1 tsk múskat
- 2 msk koníak
- 50 ml rjómi
- Salt og pipar eftir smekk
Skerið lifrina í bita og fjarlægið æðar og sinar ef einhverjar eru. Skolið létt og þerrið.
Hitið smjör á pönnu við miðlungs hita. Bætið beikoni (eða spiki) út á og steikið þar til það er gyllt.
Bætið við lauknum og hvítlauknum og steikið þar til laukurinn er mjúkur og glær. Takið af.
Setjið lifrina út á og steikið í 3–4 mínútur, eða þar til hún er brúnuð að utan en aðeins bleik í miðjunni. Ekki steikja of lengi.
Kryddið og hellið koníakinu yfir og látið sjóða upp í 1 mínútu. Takið pönnuna af hitanum og látið blönduna kólna örlítið.
Setjið lifrarblönduna í matvinnsluvél eða blandara. Hellið rjómanum út í og maukið allt saman þar til kæfan er silkimjúk. Smakkið til með salti og pipar.
Setjið kæfuna í krukkur eða mót og sléttið yfirborðið.
Kælið eða frystið.
.
— HREINDÝR — LIFUR — KÆFA — EINIBER — VILLIBRÁÐ — KJÖT — INNMATUR — HERRAMANNSMATUR — ÍSLENSKT —
.
