Sümac á Laugavegi er einn af mínum uppáhaldsveitingastöðum. Það er eitthvað ævintýralegt við að ganga inn, eldhúsið skipar heiðursess og léttur grillilmur gælir við skynfærin. Það sem einkennir staðinn er eldur, framandi krydd, notalegheit og fjölbreytileiki með innblæstri frá Mið-Austurlöndum og Norður-Afríku. Allt svo gott, bragðmikið en aldrei frekt, smekklega framborið. Stemningin er yndisleg, Árni dedúaði við okkur, útskýrði allt svo vel. Ógleymanleg upplifun!
Skipstjórarnir á Sümac, Þráinn Freyr Vigfússon og Eyþór Haraldsson hafa hannað matseðil með sterkum innblæstri frá seiðandi stemningu Beirút í Líbanon og tælandi áhrifum frá Norður Afriku.
Sümac er gimsteinn í fjölbreyttri veitingahúsaflóru Íslands
Fyrst var það lystauki: Grillað flatbrauð za´atar, hummus og steiktur HalloumiForréttirnir voru ostrusveppir með hummús og heslihnetu dukkah. Nautatartar, plaintain + harissa + toum og marokkóskir vindlar, geitakjöt + möndlur + ras al hanout TrillaðirVið deildum aðalréttunum eins og öðrum réttum: Grillaðar lambarifjur með linsubaunum og vínberjum. Bakað blómkál með granateplum, möndlum, tahini og jógúrt. Hvítkál með sinnepsmólassa og dukkah fræjum. Grillaðar risarækjur með eldpipar, brauðteningum og saltaðri sítrónu.Bakað blómkál með granateplum, möndlum, tahini og jógúrtHvítkál með sinnepsmólassa og dukkah fræjumGrillaðar lambarifjur með linsubaunum og vínberjumGrillaðar risarækjur með eldpipar, brauðteningum og saltaðri sítrónuMöndluís, döðlukaka og súkkulaðimús
Sümac eru djúprauð villt ber sem vaxa víða í Miðausturlöndum og við Miðjarðarhaf. Sümac stýrir björtum sítruskeimi sem er ómissandi í matseld Miðausturlanda.
Rabarbari er góður til að baka úr - FIMM vinsælar rabarbarauppskriftir. Hér áðurfyrr var rabarbari aðallega notaður til að í sultur og grauta. Hann er einnig tilvalinn til baksturs. Vinsælasta uppskriftin á síðunni er Rabarbarapæið góða sem ég bakaði daglega í áratug, öll árin sem ég var með kaffihúsið í Templaranum á Fáskrúðsfirði. Hér eru nokkrar uppskriftir með rabarbara. Njótum lífsins og bökum (úr rabarbara)
Afternoon tea á Apótekinu. Það er svo eftirminnilegt að fara í Afternoon tea og njóta í botn. Greinilegt er að Afternoon tea á Apótekinu hefur slegið hressilega í gegn. Þegar við prófuðum herlegheitin þá var fullt út úr dyrum og mikil og góð stemning á staðnum. Þjónustulipurt afgreiðslufólk með augu á hverjum fingri, snérist í kringum gesti.
