Spaghetti með hvítlauk og chili
Þegar maður kemur þreyttur og glorhungraður heim getur virst eins og ekkert sé til. En viti menn – oft leynast í eldhúsinu spaghetti, hvítlaukur, chili og góð ólífuolía. Meira þarf varla til.
Spaghetti með hvítlauk og chili, eða spaghetti aglio, olio e peperoncino, er klassískur ítalskur pastaréttur sem sannar að einfaldleikinn er oft bestur. Rétturinn er fljótlegur, ódýr og sérlega bragðgóður – sannkallaður herramannsmatur sem er tilbúinn á örskömmum tíma.
.
– SPAGHETTI – PASTARÉTTIR – ÍTALÍA – HERRAMANNSMATUR –
.
Spaghetti með hvítlauk og chili
400 g spaghetti
4–6 hvítlauksrif, fínt skorin eða marin
½–1 tsk chiliflögur, eftir smekk
1 dl jómfrúarolía
nýmalaður svartur pipar
salt
fersk steinselja, söxuð
Sjóðið spaghetti í vel söltu vatni þar til það er al dente. Takið frá um 1–2 dl af pastavatninu áður en vatninu er hellt af.
Hitið ólífuolíuna varlega á stórri pönnu. Bætið hvítlauk og chiliflögum út í og látið krauma við vægan hita þar til hvítlaukurinn er mjúkur og rétt farinn að taka lit. Gætið þess að hann brenni ekki.
Setjið spaghettíið beint á pönnuna og blandið vel saman við hvítlauks- og chiliolíuna. Bætið smám saman örlitlu pastavatni saman við og veltið pastanu áfram þar til olían og pastavatnið mynda silkimjúka hjúp utan um spaghettíið.
Kryddið með nýmöluðum svörtum pipar og salti eftir þörfum. Stráið ferskri steinselju yfir og berið strax fram.
Eccola! Einfaldur ítalskur pastaréttur sem tekur varla lengri tíma að útbúa en að sjóða spaghettíið. Og ef til er gott brauð með – ennþá betra.
.
Fleira áhugavert:
Vinsælast — Íslenskt — Kjöt — Kaffimeðlæti — Kartöflur — Salöt — Sósur — Jólin –