Appelsínukaka Kötu Kolbeins
Það er óskaplega auðsótt að fá Kötu vinkonu mína Kolbeins til að gefa uppskriftir og líka baka eina og eina köku fyrir bloggið. Í rokinu á dögunum hjólaði ég til hennar og borðaði margar sneiðar af tertunni góðu. Mæli alveg sérstaklega með þessari góðu appelsínuköku.
🍊
— APPELSÍNUKÖKUR — KATA KOLBEINS — APPELSÍNUR —
🍊
Appelsínukaka Kötu Kolbeins
160 g smjöríki eða smjör
160 g hveiti
160 g sykur
rifinn börkur af einni appelsínu
safi úr appelsínu
4 egg
Þeytið smjörlíki og sykur vel saman
bætið eggjum út í einu í einu
loks hveitinu safanum og berkinum bætt útí.
Setjið í tvö form og bakið við 190°C í 15 mín ég fylgist bara vel með
Krem
Smjörklípa sett í pott ásamt 1 1/2 bolla af flórsykri, 2 msk af kakói, 1 1/2 tappi vanilludropar
þynnt út með mjólk hrært vel í við lágan hita
Setjið helminginn af kreminu á milli botnanna og restin ofan á.
UPPFÆRT: Nokkrir hafa haft samband til að athuga hvort ekki eigi að vera lyftiduft í uppskriftinni. Ég hringdi í Kötu og hún hefur aldrei notað lyftiduft og kakan hefur aldrei klikkað hjá henni. En til að vera alveg 100% má alveg setja 1 tsk af lyftidufti.
🍊
— APPELSÍNUKÖKUR — KATA KOLBEINS — APPELSÍNUR —
— APPELSÍNUKAKA KÖTU KOLBEINS —
🍊
Gott kvöld
var að prófa að baka Appelsínuköku Kötu Kolbeins og er hér greinilega einhver vitleysa í uppskriftinni.
1. Held að það eigi að hræra smjöörlíki og sykur en ekki þeyta.
2. Spurning hvort ekki vanti lyftiduft?
Takk fyrir margar góðar uppskriftir.
Nokkrir hafa haft samband til að athuga hvort ekki eigi að vera lyftiduft í uppskriftinni. Ég hringdi í Kötu og hún hefur aldrei notað lyftiduft og kakan hefur aldrei klikkað hjá henni. En til að vera alveg 100% má alveg setja 1 tsk af lyftidufti.
Comments are closed.