Svalandi rabarbaradrykkur
Á tónleikaferð Sætabrauðsdrengjanna um landið í sumar var boðið í kaffi næstum því daglega. Mamma bauð upp á snúðatertu en á undan því var svalandi rabarbaradrykkur. Drykkur þessi er góður mjög ljúffengur með blávatni saman við eða sódavatni. Bensonat er rotvarnarefni og fæst í flestum matvörubúðum og vínsýra fæst í Ámunni. Hressandi drykkur. Fimm kíló af rabarbara gefa rúmlega 4 lítra af vökva ( sem mætti nú eiginlega kalla þykkni).
— RABARBARI — SÆTABRAUÐSDRENGIRNIR — SNÚÐAKAKA — MAMMA —
.
Svalandi rabarbaradrykkur
5 kg rabarbari
5 kg sykur
1 1/2 – 2 msk bensonat
5 g vínsýra
rauður matarlitur, nokkrir dropar
Skolið rabarbaraleggina og skerið í bita. Setjið allt í hreina fötu og setjið lok yfir. Látið standa á frekar svölum stað í 10 daga, hrærið í ca annan hvern dag.
Sigtið rabarbarann frá, bætið matarlit við og setjið drykkinn á flöskur. Kælið eða frystið. Ath að þetta er eins og þykkni sem þarf að blanda með vatni eða sódavatni í sömu hlutföllum og djús.
Uppskriftin birtist “í einhverjum bæklingi”….
.
.
