![High Tea - Síðdegiste - Afternoon tea William Hanson](https://i0.wp.com/alberteldar.is/wp-content/uploads/2016/05/Afternoon-Tea.jpg?resize=634%2C685&ssl=1)
High Tea – Síðdegiste – Afternoon tea. Ógleymanlegt og einstakt
Sögu teboða má rekja til þess þegar Charles II kvæntist Catherine af Braganza í Portúgal. Þá var tedrykkja orðin almenn meðal hefðarfólks í Evrópu. Um 1830 þróuðust teboðin í það sem við þekkjum í dag. Talið er að Anna hertogaynja af Bedford hafi boðið í fyrsta Afternoon Tea-ið. Fljótlega breiddist siðurinn út meðal hefðarfólksins. Það er eftirminnilegt að fara í alvöru afternoon tea.
Ef þið hafið ekki prófað Afternoon Tea ættuð þið að drífa í, en betra er að kunna reglurnar eða siðina – veit ekki hversu oft ég fór í síðdegiste án þess að kunna þetta. Fyrst og fremst snýst High Tea um ógleymanlegt og einstakt kaffisamsæti (eða tesamsæti) – alls ekkert snobb. Á betri stöðum er skilyrði að gestir séu snyrtilega klæddir. Afternoon Tea er eldgömul hefð sem við skulum virða.
Það á við hér eins og víðar; til þess að allir geti verið afslappaðir í boðinu er betra að kunna út á hvað þetta gengur. Við byrjum á samlokunum neðst á bakkanum og borðum okkur upp. Síðan á helst að hella mjólkinni fyrst í bollann á undan teinu og ekki hræra í hringi með teskeiðinni, heldur fram og til baka án þess að snerta bollann – Englendingum finnst æskilegt að halda fallega á bollanum. Já það er margt í mörgu en hér er myndband sem gott er að horfa á áður en haldið er af stað.
— AFTERNOON TEA — ENGLAND — WILLIAM HANSON — PORTÚGAL —
.
![Scones enskar skonsur](https://i0.wp.com/alberteldar.is/wp-content/uploads/2016/11/DSCF4186.jpg?resize=696%2C464&ssl=1)
Maðurinn á myndinni (og í myndbandinu) er William Hanson einn helsti sérfræðingur Breta í mannasiðum.
Svo er hér annað myndband, þessi dama er öllu frjálslegri.
![Afternoon tea Afternoon tea high tea enskt síðdegiskaffi teboð](https://i0.wp.com/alberteldar.is/wp-content/uploads/2016/05/Screen-Shot-2018-11-18-at-06.02.33.jpg?resize=696%2C450&ssl=1)
—
— AFTERNOON TEA — ENGLAND — WILLIAM HANSON — PORTÚGAL —
— AFTERNOON TEA, SÍÐDEGISTE, HIGH TEA —
–