Hunangssinnepkjúklingur
Þessi hunangssinnepskjúklingur er einn af þessum réttum sem kemur sífellt á óvart. Fá hráefni, lítil fyrirhöfn og einstaklega gott bragð. Sætan úr hunanginu og bragðsterkt Dijon sinnepið mynda ljúffenga marineringu sem passar einstaklega vel með kjúklingi.
Rétturinn hentar jafnt hversdags sem veisluréttur og má bæði elda á pönnu, í ofni eða á grillinu. Berið fram með hrísgrjónum, kartöflum eða fersku salati.
— KJÚKLINGUR — GRILLIÐ — HUNANG —
Hunangssinnepskjúklingur
5 kjúklingalæri
1/4 bolli Dijon sinnep
1/4 bolli hunang (má minnka eftir smekk)
olía til steikingar
salt og pipar
2 msk ferskt eða þurrkað rósmarín
Úrbeinið kjúklingalærin og skerið í tvennt. Blandið saman sinnepi, hunangi, salti, pipar og rósmaríni. Veltið kjúklingnum upp úr marineringunni.
Steikið kjúklinginn létt á pönnu upp úr olíu og færið síðan í eldfast mót. Setjið lok eða álpappír yfir og eldið við 175°C í um 25 mínútur, eða þar til kjúklingurinn er fulleldaður. Einnig má elda réttinn alfarið á grillinu.
Berið fram með hrísgrjónum eða góðu salati. Salatið á myndinni er með tómötum, fetaosti, gulri papriku, rauðlauk, sítrónu og ferskri basilíku.
Fleira áhugavert:
— Kanilsnúðar –- Draumaterta dásamlega góð – Heill kjúklingur í ofni, mjöööög góður – Vínartertan góða og fræga – Sælgætismolar — Salat með eggjum og beikoni — Tómatsalsa — Marsípankaka með vínberjum — Perutertan besta —