Búrið – ljúfmetisverslun með osta og fleira góðgæti. Góðir alvöru ostar eru alveg ótrúlega góðir. Á Grandanum í Reykjavík rekur Eirný dásamlega búð sem ég fer reglulega í og missi mig. Það er engu líkara en ég sogist út á Grandann í búðina til hennar. Ekki nóg með ostana sem þar eru, einnig má fá þar allsskonar sælkeravörur og svo er líka ostaskóli. Við fórum í Ostaskóla Búrsins og komumst að því að við vissum afar lítið fyrir en öllu meira eftir námskeiðið. Það er eftirminnilegt að hitta fólk eins og Eirnýju sem er friðlaus af áhuga, eldmóðurinn hennar flæðir eins og beljandi stórfljót.
Hér er heimasíða Búrsins, sem þið megið bæði læka og deila – áður en þið farið í búðina 😉 og hér er um Ostaskóla Búrsins – Kjörið fyrir hópa að setjast á ostaskólabekk
Við vorum í giftingarveislu fyrir ekki svo löngu síðan. Á meðan brúðhjónin fóru í myndatöku, og á meðan gestirnir biðu eftir þeim og eftir að komast inn í salinn, var stórt ostahlaðborð með allsskonar góðgæti frá Búrinu. Stórfín hugmynd
Ef þið hafið ekki nú þegar farið í Búrið drífið ykkur
Heitur ofnréttur Önnu Siggu. Anna Sigga Helgadóttir tók ljúflega í að elda fyrir bloggið. Leiðir okkar lágu saman þegar hún eldaði fyrir mig á Gestgjafaárum mínum. Á meðan rétturinn var í ofninum náði hún í blaðið sem kom út 2003 og það vakti kátínu okkar að hún var með sömu svuntu núna og þá. „Mamma mín eldaði oft þennan ofnrétt á sunnudgagskvöldum hérna í den og öllum þótti hann alveg ótrúlega góður, í hvert skipti." segir söngkonan Anna Sigga
