Súkkulaðiterta grilluð í appelsínu – algjörlega besti eftirrétturinn af grillinu

Súkkulaðiterta grilluð í appelsínu

Kjartan Örn hélt ægifína grillveislu og bauð upp á grillaða pitsu. Í lokin kom þessi ógleymanlegi eftirréttur: súkkulaðiterta grilluð í appelsínu. Þetta er einmitt rétti eftirrétturinn þegar slegið skal í gegn við grillið.

Það er gott að skilja eftir örlítið af appelsínukjötinu þegar appelsínan er holuð að innan. Appelsínan gefur kökunni dásamlegt bragð sem minnir svolítið á Grand Marnier. Kjartan notar glútenfrítt hveiti og þessi dásemdareftirréttur er án hvíts sykurs.

Hugsið ykkur ekki um: kaupið appelsínur, brettið upp ermar og grillið heimsins bestu súkkulaðitertu.

— KJARTAN ÖRN  — GRAND MARNIER  — SÚKKULAÐITERTUR – – APPELSÍNUR  — GRILL —

.

Súkkulaðiterta grilluð í appelsínu fyrir fjóra

4 appelsínur
175 g af dökku gott súkkulaði
100 g smjör
2 egg
2 eggjarauður
2 msk hunang
1/3 tsk salt
40 g glútenlaust hvítt hveiti
Til skrauts: Flórsykur og minta

Skerið toppinn af appelsínunni af og fjarlægið „kjötið” úr henni – gott er að skilja eftir þunnt lag næst hvíta laginu – það gefur gott bragð.

Bræðið súkkulaði og smjör við lágan hita yfir heitu vatnsbaði.

Hrærið saman eggjum og eggjarauðum með hunangi (gott er að nota handmixer). Bætið rólega glútenlausa hvíta hveitinu saman við og bráðna súkkulaði/smjörblöndunni og hrærið mjög vel.
Hellið deiginu í appelsínuhýðið, þó ekki meira enn ca. ¾ þar sem deigið á eftir að lyfta sér lítillega.

Grillið (á efri grillgrindinni) á ca. 180°C í um það bil 35-40 mínútur (fer eftir stærð). Grilltíminn er tiltölulega langur, það er vegna þess að þykkt appelsínunnar einangrar. Kakan bakast frekar frá toppi til botns.
Hægt er að stinga í hana með pinna til að athuga baksturinn, gott er ef kakan er smá blaut að innan.
Mikilvægt: hafið hitann á appelsínuhúðinni ekki heitara en 180 gráður, annars verður appelsínan svört af bruna.

Súkkulaðikaka úr appelsínuhúð er ekki aðeins „eyecatcher“ heldur gefur appelsínukjötið ljómandi appelsínubragð og súkkulaðikaka með fljótandi miðju er samt draumur.

🍊

Fleira spennandi:

— Draumaterta dásamlega góð   – Hrísgrjónagrautur á laugardegi   – Vöfflur hin klassíska uppskrift   – Soðin egg   —  Skúffukaka sem klikkar ekki   –  Hvað er kurteisi?    —  Snúðakakan góða   –-