Kostgangari hjá Lukku á Happi – myndband

Kostgangari hjá Lukku á Happi og Betufundur. Í rúma viku hef ég verið kostgangari hjá Lukku á Happi, á fæði sem kallað er Clean Gut fæði (gluten-, sykur- og mjólkurlaust). Þessir matarpakkar Lukku eru hreinasta snilld, á hverjum degi er sóttur poki með fjölbreyttum og góðum mat fyrir daginn. Grænmeti, baunir, kínóa, fiskur, safar, kjöt og heimsins bestu chiagrautar eru uppistaðan í próteinríkum máltíðunum.

Auk þessa hef ég verið á 16/8 mataræðinu, þ.e.a.s. fastað í sextán tíma og borðað í átta.
Hvorutveggja hentar mér einstaklega vel. Eins og áður hefur komið fram er ég lítill morgunverðarmaður og oft er komið framundir hádegi þegar ég fæ mér eitthvað.

Á fundinum fór ég yfir líðan mína og við ræddum mat frá öllum hliðum og annað honum tengt. Það sem ég er svo hrifinn af er að það eru engin boð og bönn – Beta missir sig ekkert þó ég dæmi í stærstu smákökusamkeppni á Íslandi og fleira slíkt 🙂

Áskorun næringarfræðingsins fyrir næsta fund er að kortleggja matarhegðunina og skoða (matar)vanann.

Lukka happ albert beta reynis næringarfræðingur Kostgangari hjá Lukku á Happi – myndband elísabet

Auglýsing

Meira úr sama flokki

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

High Tea hjá Marentzu Poulsen á Kjarvalsstöðum

High Tea hjá Marentzu á Kjarvalsstöðum. Marentza Poulsen er búin að taka kaffihúsið á Kjarvalsstöðum í gegn og breyta mikið. Allt er það nú hið glæsilegasta. Svo er frúin, eins og kunnugt, mjög fær í öllum veitingum, hvort sem það eru matarveislur eða kaffimeðlæti. Fyrsta sunnudag í hverjum mánuði verður á kaffihúsinu á Kjarvalsstöðum hægt að fá High tea að að enskum sið - það sem einnig er nefnt Afternoon Tea. Við vorum hjá henni á dögunum til að smakka herlegheitin og það verður enginn svikinn - því get ég lofað ykkur.