Gulrótaterta – bráðholl og gómsæt

Á Akranesi er Karen Jónsdóttir með Matarbúr Kaju sem er með lífrænt vottaðar matvörur bæði eftir vigt og í smásölupakkningum. Café Kaja býður upp á lífrænt kaffi, te og léttar veitingar.

CAFÉ KAJAAKRANESGULRÓTATERTUR

Meðal hollra og góðra veitinga á Café Kaja á Akranesi er þessi gulrótaterta. Þið bara verðið að stoppa og fá ykkur sneið og margt fleira.

Gulrótaterta 16 – 20 manna

Tertan er mjög góð glútenlaus en þá notum við bókhveiti í stað hveitis
130 g valhnetur brotnar
300 g pálmasykur
100 g reyrsykur
250 ml ristuð valhnetuolía frá Vigean
4 egg
133 g eplamauk (lífræn epli sett í blandara)
1 tsk vanilludropar
320 g hveiti notið bókhveiti ef tertan á að vera gluteinlaus
1 tsk matarsódi
1 ½ tsk kanill
1 tsk engifer
¼ múskat
¼ negull
260 g gulrætur

Raspið gulrætur niður frekar gróft. Reyrsykur, pálmasykur og egg þeytt saman. Öllum þurrefnum og hnetum blandað saman í skál. Þurrefnum, olía og eplamauk blandað varlega saman við eggjaþeytuna. Bakist í 50-60 mínútur við 150°C. Kælið áður en kakan er skorin í sundur.

Krem
500 g Lífrænn rjómaostur (fáanlegur fljótlega frá Biobú)
300 g smör
175 g flórsykur
Þeytið smjör og flórsykur saman þar til að blandan verður létt, bætið rjómaostinum út í, skiptið í tvennt og setjið á botnana.

Í kaupbæti er hér fróðleikur frá Kaju:

Valhnetur og valhnetuolían er ein besta næring sem hægt er að fá fyrir frumur heilans svo og hjarta- og æðakerfi. Valhnetuolía er einnig talin góð fyrir hormónastarfsemina, bólgur og húðina en olían hefur einnig áhrif til lækkunar á blóðþrýstingi. Ristaða valhentuolían frá Vigean gefur tertunni einstakt bragð og áferð og er því ómissandi í þessa uppskrift Olían fæst í Hagkaupum, Melabúinni og Matarbúr Kaju Akranesi.

Ógerilsneydd egg eru full af góðri næringu, þau eru góður próteingjafi auk þess sem þau innihalda Vítamín D,

B-12 og B-5 sem eru okkur lífsnauðsyn.

Gulrætur eru ríkar af Beta-caroten sem lifrin breytir í A vítamín en það er nauðsyn fyrir sjónina og svo eru gulrætur góður andoxari sem heldur okkur ungum lengur.

Bókhveiti er ríkt af steinefnum má þar helst nefna magnesíumEpli eru full af pektíni sem er gott við háu kólestróli að ógleymdu C vítamíni.

Kryddin eru öll þekkt sem góðar lækningajurtir ýmist notuð sem forvörn eða til lækninga við hinum ýmsu kvillum.

Smjörið ríkt af A-vítamín og gefur okkur mikla orku

Rjómaostur orka og próteingjafi

Óhollustan liggur í sykrinum en þegar góð næring er grunnurinn þó segir líkaminn fljótlega stopp með öðrum orðum það er ekki hægt að borða mikið af þessari. En í einni sneið eru tæplega 28 til 36 grömm af viðbættum sykri en það er minna magn en í einum 100g hlauppoka sem inniheldur enga næringu.

— GULRÓTATERTA, BRÁÐHOLL OG GÓMSÆT —

 

 

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.