Sjónvarpskaka – þessi eina sanna og alltaf jafn klassísk
Fólk sem bakar mikið skrifast sjaldnast við uppskriftirnar aðferða, hita á ofni eða hversu lengi á að baka. Það hefur einhverja óútskýrða tilfinningu fyrir þessu. Halldóra systir mín sendi mér uppskirft að Sjónvarpsköku. Þar er engin lýsing á neinu. ég skrifaði til baka hvort ég ætti að baka hana í 30 mín. Svarið kom strax: CA
Annars er áhugavert að velta fyrir sér hvers vegna Sjónvarpskaka ber þetta nafn, gæti uppskriftin hafa borist hingað til lands á fyrstu árum Sjónvarpsins?
— KAFFIMEÐLÆTI — KÓKOSMJÖL — HALLDÓRA E — SJÓNVARP —
.
Eftir að ég setti kókoskaramelluna yfir þá hækkaði ég hitann í 190°C þannig urðu kókostopparnir aðeins brúnni.
Sjónvarpskaka – þessi eina sanna og alltaf jafn klassísk
4 egg
300 g sykur (um 1 1/2 b)
2 tsk vanillusykur
250 g hveiti (um 1 1/2 b)
2 tsk lyftiduft
2 dl mjólk
50 g smjör, brætt
Kókoskaramella
125 g smjör
100 g kókosmjöl (1b)
125 g púðursykur (1b)
4 msk mjólk
1/2 tsk salt
Botn: Þeytið saman egg og sykur, bætið við vanillusykri, hveiti lyftidufti, mjólk og smjöri. Smyrjið form og hellið deiginu í. Bakið við 175°C í um 30 mín. Útbúið kókoskaramelluna á meðan kakan bakast:
Ofan á: Bræðið saman í potti smjör, kókosmjöl, púðursykur, mjólk og salt. Hellið yfir kökuna og bakið áfram í um 10 mín.
.
— KAFFIMEÐLÆTI — KÓKOSMJÖL — HALLDÓRA E — SJÓNVARP —
.
Þessi kaka er alltaf kölluð GULLKAKA á mínu heimili og heitir það líka í bók sem móðir mín skrifaði uppskriftir í þegar hún var á kvennaskólanum á Blönduósi. Elsta systir mömmu fór í kvennaskóla á Laugalandi í Eyjafirði og í bók sem hún skrifar sínar uppskriftir í er þessi kaka undir heitinu Gullkaka. Þetta er löngu fyrir daga sjónvarpsins. Mamma er á Blönduósi 1953-54 og 1954-55 og systir hennar var á Laugalandi tíu árum fyrr. Held að einhver hafi tekið sér leyfi til að breyta nafninu á þessari köku og finnst það ekki til bóta.
Þetta er skrifað sem svar við því hvort uppskriftin hafi borist hingað með sjónvarpinu. Með kveðju Guðrún.
Comments are closed.