Frönsk súkkulaðisæla – hættulega góð

Frönsk súkkulaðisæla – hættulega góð súkulaðiterta súkkulaði terta kaka þorgrímsstaðir
Frönsk súkkulaðisæla, hættulega góð

Frönsk súkkulaðisæla, hættulega góð

Er hægt að fá nóg af góðum súkklaðitertum? Það jafnast ekkert á við þessa. Ætti eiginlega að standa á miða við hana: VARÚÐ! HÆTTULEGA GÓÐ!

SÚKKULAÐITERTUR

.

Frönsk súkkulaðisæla, hættulega góð

½ b sterkt kaffi

150 g púðursykur (1 b)

150 g sykur (tæplega 1 b)

1/2 tsk salt

350 g smjör

100 g mjólkursúkkulaði

300 g suðusúkkulaði

5-6 egg

Aðferð:

Hitið kaffi í potti, hellið púðursykri og sykri út í og hitið að suðu, þar til bráðið. Takið pottinn af hellunni og bætið súkkulaði og smjöri út í og hrærið saman. Þegar allt er bráðið, bætið þá eggjunum út í, einu í einu.

Hellið í mót með bökunarpappír í botni eða sílíkonform. Bakið við 180°C í 45-60 mín.

Kakan er blaut í miðjunni. Látið hana kólna í nokkrar klukkustundir, áður en hún er tekin úr forminu. Má geyma í ísskáp yfir nótt en berið hana fram við stofuhita.

SÚKKULAÐITERTUR

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.