Pasta alla puttanesca – Pasta portkonunnar
Pasta portkonunnar – eða pasta alla puttanesca – er einn af þessum réttum sem sanna að einfaldleikinn er oft bestur.
Ég hafði lengi trúað því að þurrkað pasta væri alveg jafn gott og ferskt, en svo breyttist það þegar ég smakkaði ferskt pasta frá Kaju á Akranesi – þá varð ekki aftur snúið.
Í þessum rétt mætast kraftmikil hráefni eins og ansjósur, kapers og ólífur sem gefa djúpt og saltbragð. Gott er þó að muna að ansjósurnar eru sjálfar vel saltar, svo best er að bíða með að bæta salti við þar til alveg í lokin.
.
— PASTA — KAJA — AKRANES — ANSJÓSUR —
.
Pasta alla puttanesca – Pasta portkonunnar
4 stór hvítlauksrif, pressuð
1 dós (400 g) tómatar basil, garlic & oregano
1/3 b ólífur í helmingum
3-5 ansjósur
1 1/2 msk kapers
1 tsk oreganó
1 tsk marið chili
400 g ferskt pasta
2 msk fínt skorin steinselja
Parmesan ostur
Hitið olíu í pönnu á meðalhita. Steikið hvítlauk og chili í u.þ.b. 1 mín. Bætið við ansjósum og steikið áfram. Látið loks tómata, ólífur, kapers og oreganó. Látið malla á lágum meðalhita þar til þykknar, merjið tómata með gaffli, u.þ.b. 8 mín. Piprið.
Sjóðið pasta eftir leiðbeiningum, síið vatnið af og setjið aftur í pottinn. Bætið sósunni útí ásamt steinseljunni. Blandið saman við lágan hita, þar til sósan þekur pastað, u.þ.b. 2 mín. Ef sósan verður mjög þykk má bæta smá af pastavatninu út í til að fá silkikennda áferð.
Rífið vel af parmesan og steinselju yfir diskinn.
Einfaldur, kraftmikill og ómótstæðilegur – svona á pasta að vera.
.
Sagan segir að hann hafi jafnvel verið eldaður seint á kvöldin, þegar tími var naumur en þörfin fyrir eitthvað bragðmikið mikil. Hvort sem sú saga er sönn eða ekki, þá er ljóst að rétturinn lifir góðu lífi í dag og er orðinn klassík í ítalskri matargerð.
.
Fleira spennandi:
— Quiche Lorraine – franska góða bakan – Hjónabandssæla – Vöfflur – klassísk uppskrift úr bókinni Við matreiðum – Glæsilegt kaffiboð Jónu Matthildar – Vinkvennakaffi Alberts —