Pasta alla puttanesca – Pasta portkonunnar
Fyrir nokkru síðan sá ég í matreiðsluþætti í sjónvarpi að þurrkað pasta bragðaðist alveg jafnvel og það ferska og því væri í lagi að taka það framyfir. Núna er öldin önnur, ég gjörsamlega féll fyrir ferska pastanu frá Kaju á Akranesi. Gott er að hafa í huga að ansjósurnar eru vel saltar, bíðið því með að salta réttinn þangað til í lokin.
.
— PASTA — KAJA — AKRANES — ANSJÓSUR —
.
Pasta alla puttanesca – Pasta portkonunnar
4 stór hvítlauksrif, pressuð
1 dós (400 g) tómatar basil, garlic & oregano
1/3 b ólífur í helmingum
3-5 ansjósur
1 1/2 msk kapers
1 tsk oreganó
1 tsk marið chili
400 g ferskt pasta
2 msk fínt skorin steinselja
Parmesan ostur
Hitið olíu í pönnu á meðalhita. Steikið hvítlauk og chili í u.þ.b. 1 mín. Bætið við ansjósum og steikið áfram. Látið loks tómata, ólífur, kapers og oregon. Látið malla á lágum meðalhita þar til þykknar, merjið tómata með gaffli, u.þ.b. 8 mín. Piprið.
Sjóðið pasta eftir leiðbeiningum, síið vatnið af og setjið aftur í pottinn. Bætið sósu út í ásamt steinselju. Blandið saman við lágan hita, þar til sósan þekur pastað, u.þ.b. 2 mín. Rífið vel af parmesan og steinselju yfir diskinn.
.
.
— PASTA — KAJA — AKRANES — ANSJÓSUR —
.
