Silungsveisla hjá Jóhönnu Gísla á Seyðisfirði

jóhanna gísladóttir seyðisfjörður Rúnar laxdal gunnarsson seyðisfirði bleikja silungur seyðisfjarðará markaðsstofa austurlands Rifsberja-klessukaka ættuð frá Svíþjóð rifsber rifsberjakaka rifsberjaterta klessuterta fransmenn á íslandi safn templarinn franskir sjómenn fáskrúðsfjörður
Silungaveisla hjá Jóhönnu á Seyðisfirði

Silungsveisla hjá Jóhönnu Gísla á Seyðisfirði

Fyrir tæplega tveimur áratugum fór ég til Seyðisfjarðar á fund Jóhönnu Gísladóttur framkvæmdastjóra Markaðsstofu Austurlands og bar upp við hana hugmynd sem ég hefði gengið stutt með: Að setja upp safn um veru franskra sjómanna á Íslandi og kaffihús. Jóhanna tók afar vel í hugmyndina og ekki síst vegna þess bretti ég upp ermar og opnaði safnið Fransmenn á Íslandi sem löngu síðar varð grunnur að núverandi safni í Franska spítalanum á Fáskrúðsfirði.

SEYÐISFJÖRÐURJÓHANNA GÍSLADÓTTIRSILUNGUR

.

Silungur á la mamma með salati og nýuppteknum kartöflum

Silungur á la mamma

Nýveidd bleikja, eða annar silungur
Salt
Pipar
Smjör
Niðursneidd sítróna
Uppskriftin gildir fyrir ca þriggja punda fisk:
Flakið silunginn og beinhreinsið hann. Leggið flökin í smurt eldfast mót, snúið roðinu niður, kryddið með salti og pipar. Setjið inn í 180°C heitan ofn í um 10 mínútur, jafnvel skemur. Athugið að bökunartíminn fer að sjálfsögðu eftir stærð flaksins og því mikilvægt að fylgjast með.
Berið fram með nýjum kartöflum og smjöri ásamt niðursneidddri sítrónu.

Rifsberja-klessukaka ættuð frá Svíþjóð

Rifsberja-klessukaka ættuð frá Svíþjóð

100 gr smjör
2 egg
2 dl. strásykur
3 dl. hveiti
½ tsk. lyftiduft
1 tsk. vanillusykur
1 plata gróft skorið hvítt súkkulaði
3 dl rauð rifsber
Bræðið smjörið og látið kólna aðeins meðan önnur hráefni eru tekin til. Blandið öllu hinu í skál og hrærið síðan saman ásamt smjörinu. Hellið deiginu í vel smurt bökunarform eða pæform, ca 25 cm í þvermál. Bakið neðarlega í 175 °C heitum ofni í 20-25 mínútur til að fá kökuna klessta. Ef þið viljið hana frekar seiga, bakast hún í 30-40 mínútur. Langbest er að bera kökuna fram volga með þeyttum rjóma.

Albert og Jóhanna Gísladóttir. Því miður gleymdist að taka mynd af öðrum matargestunum
Silungur á la mamma

.

SEYÐISFJÖRÐURJÓHANNA GÍSLADÓTTIRSILUNGUR

— SILUNGSVEISLA HJÁ JÓHÖNNU GÍSLADÓTTUR —

.

Auglýsing

Meira úr sama flokki

Spínat- og hrísgrjónabaka

Spínatbaka

Spínat- og hrísgrjónabaka. Bakan er mjög góð og ekki skemmir fyrir að dásamlegur rósmaríninilmurinn fyllir vitin og allt húsið á meðan hún er í ofninum. Munið bara að spara ekki rósmarínið í þessa böku. Þegar ég tók bökuna úr ofninum hellti ég yfir góðum slatta af olíu og hvítlauksolíu.

Ólafur hrossakjötsæta hin mesta

Ólafur Matthíasson f.1792 bjá á Barká frá 1823-1846, annars staðar bjó hann ekki. Kona hans var Guðrún Jónsdóttir frá Laugalandi, yfirsetukona. Ólafur var fátækur alla ævi og sóði. Fór mjög milli bæja, en vann lítið. Var hann síkátur og þótti sums staðar til skemmtunar. Hann var mesta hrossaketsæta sveitarinnar og var fyrirlitinn af mörgum þess vegna. Fékk hann á hverju ári eitthvað af afsláttarhrossum og stundum mörg. Eitt haustið voru þau níu. Þá þraut hann ílát undir ketið, en dó ekki ráðalaus yfir því, en gerði sér hægt um hönd og risti upp grundartorfu, hringaði hana og reisti á rönd á eldhúsgólfinu og saltaði þar í afganginn af ketinu. En ekki fer nokkrum sögum af því hversu munntamt það var.