Blómkáls- og möndlusalat

Blómkáls- og möndlusalat blómkálssalat blómkál möndlur blaðlaukur minta paprika sítrónusafi olía ristaðar furuhnetur
Blómkáls- og möndlusalat

Blómkáls- og möndlusalat

Möndlur eru hollustufæði. Þær innihalda mikið prótein og ættu að vera hluti af daglegri fæðu okkar. Möndlur innihalda E-vítamíni, fólínsýru, magnesíum, kopar, trefjar og mikið af andoxunarefnum. Sem sagt stútfullar af næringarefnum. Með því að láta salatið standa við stofuhita í ca tvær klst þá brotnar grænmetið niður og verður auðmeltanlegra, sítrónusafinn hjálpar þar til. Salatið getur staðið sem sér réttur, það er kjörið meðlæti með fisk- eða kjötréttum, einnig grænmetisréttum eða í staðinn fyrir hrísgrjón með mat

.

BLÓMKÁLMÖNDLURSALÖT

.

Blómkáls- og möndlusalat

1 haus blómkál (meðal stór)
3 dl möndlur
1 b saxað grænkál eða 1/2 söxuð agúrka
3-4 msk fersk mynta, söxuð
2-3 tómatar
1 rauð paprika
5 cm blaðlaukur
1/2 dl góð olía
safi úr 1/2 sítrónu
3/4 dl vatn
salt og pipar

3-4 msk þurrristaðar furuhnetur

Skerið niður blómkál, grænkál/gúrku, tómata, papriku, blaðlauk og setjið í skál. Malið  möndlur í matvinnsluvél og blandið saman. Hristið saman olíu, sítrónusafa, vatn, salt og pipar, hellið yfir grænmetið og blandið vel saman. Blandið loks saman við furuhnetum og látið salatið standa í amk 2 klst áður en það er borðað.

Blómkáls- og möndlusalat

.

BLÓMKÁLMÖNDLURSALÖT

— BLÓMKÁLS- OG MÖNDLUSALAT —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.