Hernámssetrið #Ísland

Bergþór, Guji litli, Albert og Páll hernámssetrið hlöðum hlaðir hvalfjarðarsveit ísland hvalfjörður
Hernámssetrið að Hlöðum í Hvalfjarðarsveit

Hernámssetrið

Margir muna eftir Gauja litla sem heillaði þjóðina með glaðlegri framkomu sinni í Dagsljósi sjónvarpsins fyrir um aldarfjórðungi. Eldhuginn Guðjón stendur fyrir Hernámssetrinu að Hlöðum í Hvalfjarðarsveit af mikilli hugsjón og eldmóði, einn og óstuddur.

Margir halda að það sé nóg að skoða þetta safn einu sinni, en sannast sagna væri hægt að vera þar í marga daga og uppgötva sífellt eitthvað nýtt. Á hverju ári bætast áhugaverðir hlutir við og í kófinu var það allt endurskipulagt í bandarísku, bresku, rússnesku og þýsku deildina. Það er hreint ótrúlegt hvað hefur safnast að og sífellt bætist í safnið. Þegar við komum, var að berast í hús vél til að búa til franskar kartöflur.

Gaui er mikill sagnamaður og hafsjór af fróðleik um þennan merka sögutíma í lífi þjóðar, sem hann gerir skil af glæsibrag. Hann leiddi okkur í gegnum safnið og sagan varð ljóslifandi.

Til að nefna eitt atriði í þeirri spennandi frásögn, höfðum við ekki áttað okkur á því að í seinni heimsstyrjöldinni féllu 211 Íslendingar, en það þýðir að miðað við höfðatölu varð meira mannfall hér á landi en hjá nokkurri annarri þjóð í þeim mikla hildarleik.

Til að gera sér grein fyrir því hvað þessi innrás var mögnuð, voru Íslendingar rúm 120 þúsund þegar Bretarnir komu og þegar hermennirnir voru flestir voru þeir um 50 þúsund. Þeir voru því hátt í þriðja hver manneskja á landinu um tíma.

Við vorum agndofa.

Ef þið hafið farið áður á Hernámssetrið verðið þið að fara aftur, því að það er í stöðugri endurnýjun!

HVALFJÖRÐURHERNÁMSSETRIÐFERÐAST UM ÍSLAND

.

Kaffihús er rekið á staðnum og uppskriftirnar eru raunverulega allar frá ömmu Gauja. Eins og sjá má er verðinu stillt í hóf.
Þegar okkur bar að garði var Gaui nýbúinn að fá græju sem til að gera franskar kartöflur. Lítill kaffistaður var við Öskjuhlíð, þar sem hermenn vöndu komur sínar. Starfsfólkið varð því að læra að gera fish’n’chips í hvelli og til þess var notuð svona vél. Þegar Bandaríkjamennirnir komu hélt hún gildi sínu, því að hamburger’n’fries urðu aðalrétturinn.
Bergþór, Gaui litli, Albert og Páll
Íslandskort. Kortið er fengið hjá Breska sendiráðinu og sýnir staðsetningu herfylkja hringinn í kringum landið 1941

Við ferðaþríeykið viljum gjarnan heyra frá ferðaþjónustufólki

Auglýsing

Meira úr sama flokki

Cululutte brauð

Cululette brauð. Í vinabæjarheimsókninni í Gravelines á dögunum fengum við soðið brauð sem mun vera frá norður Frakklandi. Brauðið rann ljúflega niður með romm/smjörsósu...

Kakan sem klikkar ekki – einföld, fljótleg og gómsæt

 

Kakan sem klikkar ekki. Já, það er nú það þegar eru annasamir dagar og maður veit að gesta er von og vill gera vel við þá og veit að tími getur verið af skornum skammti. Samvera með góðu fólki er nærandi og mannbætandi.
Best er að geta lagt á borð einum eða jafnvel tveimur dögum áður því það fer ekki neitt og það sparar manni mikinn tíma. Sólveig systir mín bauð í kvöldkaffi og var eldsnögg að útbúa kaffimeðlætið. „Það er skemmtilegt að fá fólk heim og njóta veitinga saman, spjalla og hlæja og muna eftir að njóta líðandi stundar. Hér er einfalt, fljótlegt, gómsætt kaffimeðlæti. Þessi kaka klikkar aldrei og ef við erum fá þá skipti ég pakkanum í tvennt, helminga vatn og olíu en nota 2 egg - Þannig fæ ég 2 kökur úr einum pakka og finnst það ágætis útkoma."

SaveSave

Að njóta matar síns á jólahlaðborði

Að njóta matar síns á jólahlaðborði. Matarsóun vesturlandabúa er geigvænleg og hlaðborðsveislur eru hættusvæði því þar hættir fólki til að raða meiru á diska sína en það munu nokkurn tíma geta hesthúsað í einu.