Á landnámsjörðinni Erpsstöðum tók á móti okkur Þorgrímur bóndi og mjólkurfræðingur. Hann fór með okkur í fjósið, sýndi og útskýrði mjaltaþjóninn, sem einhver vill kalla mjaltakonuna, og hvernig nútíma fjós virkar. Á Erpsstöðum geta kýrnar gengið inn og út að vild. Hægt er að fylgjast með í gegnum gler þegar kýrnar láta mjólka sig. Þetta eru hamingjusamar kýr, óbundnar og ráða sér sjálfar, farið í greiðslu og nudd þegar þeim sýnist.
— ERPSSTAÐIR — FERÐAST UM ÍSLAND —
„Þetta er nú þrifalegasta fjós sem ég hef séð“, sagði Páll.👍 Enda er sjálfvirkur flórmokari sem mokar og skolar af og til.
Framleiðslan úr afurðunum er svo jafn hrein og tær. Meðal þess sem við smökkuðum var ís af ýmsum tegundum (t.d. sítrónu-dill sorbet, jarðarberja-sorbet, rabaraís, o.m.fl.), ostar (t.d. Bríet, þ.e. brie, Hallumi, kúmenostur, gráðostur o.fl.), þykkt skyr, drykkur úr mysu og fjallagrösum, krækiberjum og bláberjum (bragðast ekkert svipað og mysa og best að segja þeim sem hafa fordóma gagnvart mysu ekkert frá því), kex úr fræjum, fjallagrösum og mysu. Þá var nýbúið að sjóða fíflasíróp sem við settum út á ísinn gómsæta ásamt rabarbarasírópinu. Og síðast en ekki síst 45% rjóma. Viljið þið hafa það eitthvað náttúrulegra og hreinna? Hvílíkt lostæti.
Á Erpsstöðum er búð, auk þess fást vörurnar í Frú Laugu, en einnig er að fara af stað Matarbúðin í Kolaportinu sem mun hafa vörurnar á boðstólum.
Við ferðaþríeykið viljum gjarnan heyra frá ferðaþjónustufólki
