Hjónabandssæla mömmu
Í Pfaff-búðinni heyrði ég af hjónabandssælu sem hefur lengi verið í miklu uppáhaldi hjá fjölskyldunni. Magnús tók vel í að baka eftir uppskrift móður sinnar og deila henni hér. Þetta er ein af þessum gömlu, góðu uppskriftum sem lifa áfram frá kynslóð til kynslóðar.
Á árum áður var sykur gjarnan notaður ótæpilega í bakstur, en í dag má vel minnka púðursykurinn aðeins án þess að kakan tapi sjarma sínum. Hjónabandssælan er jafn góð með sveskjusultu og rabarbarasultu — og ilmar eins og íslenskt kaffiboð á góðum degi.
— HJÓNABANDSSÆLUR — KAFFIMEÐLÆTI — SVESKJUSULTA — RABARBARASULTA —
.
Hjónabandssæla mömmu
300 g smjör
300 g púðursykur
420 g hveiti
225 g haframjöl
2 egg
1 1/2 tsk matarsódi
sveskju- eða rabarbarasulta
Blandið öllu saman. Gott er að nota hrærivél og hnoðara. Takið um það bil fjórðung deigsins frá.
Setjið deigið í ofnskúffu eða tvö lausbotna tertuform og þjappið því vel niður. Dreifið sultunni yfir.
Fletjið afganginn af deiginu út, skerið í lengjur og leggið yfir sultuna.
Bakið við 180°C í 30–40 mínútur, eða þar til kakan er fallega bökuð.
Fleira áhugavert:
— Kanilsnúðar – Royalistar á Ísafirði – Ladies who Lunch –- Draumaterta dásamlega góð — Hvítlaukskartöflur Helgu – Heill kjúklingur í ofni, mjöööög góður – Vínartertan góða og fræga – Sælgætismolar — Salat með eggjum og beikoni — Kaffiveisla hjá Soffíu — Sveskju- og fíkjuterta, bæði ljúf og bragðgóð –